A Agrupación Municipal Socialista de Antas organizou unha xornada sobre recaudación municipal.

Arredor dun cento de veciños acudiron a esta charla informativa.
Tratáronse temas de interés e actualidade como o cobro de recibos de auga e alcantarillado e a taxa para as edificacións sen licenza anteriores a 2003.

Antas de Ulla, 10 de febreiro de 2012. Onte tivo lugar unha xornada informativa sobre recaudación e impostos municipais en Antas de Ulla, organizada pola agrupación municipal socialista deste concello. O motivo desta celebración foi, segundo manifesta Pilar García Porto “as constantes dúbidas que nos plantexaban os veciños dende que comenzaron a cobrar dende o concello estas tres taxas”.
Na xornada participou Xoán Valiño, Deputado de Cooperación cos Concellos que fixo un amplo repaso polo que significa a recaudación de impostos municipais e o papel tan importante que xoga a Deputación de Lugo prestando colaboración ós concellos neste e noutros aspectos. Tamén expresou os resultados que para os veciños de Antas ten, a falta de involucración do alcalde e polo tanto do concello en diferentes programas e accións desenvolvidos polo ente provincial e que sen dúbida repercutirían directamente en beneficio dos veciños e veciñas deste concello.

Participaron tamén Francisco Pérez Donsión e Verónica Gómez Collazo, ambos enxeñeiros., que se encargaron de dar contido á parte técnica da xornada, e que contribuíron a aclarar numerosas dúbidas relacionadas coas construccións sen licenza. O pasado 25 de outubro do 2011 celebrouse un pleno extraordinario no que, entre outros asuntos se aprobou a Ordenanza Fiscal Reguladora da taxa por expedición de declaración de incursión na situación legal de fóra de ordenación total de edificacións sen licenza. Dende o principio entre a veciñanza todo foron temores e dúbidas, non tiñan claro se é preciso realizar o trámite ou non, se é de carácter obligatorio, cal é o custe real, qué pode pasar se non o fan, etc,etc….

Dende o punto de vista dos socialistas de Antas houbo desinformación por parte do concello, “cando o concelllo impón unha taxa o menos que debe facer é informar ós veciños e veciñas, máxime cando estamos a falar dunha que inclúe unhas tarifas tan elevadas e fóra da realidade”, ademáis sementáronse dúbidas porque moitos pensan que esto supón a legalización da edificación, como se tivera licenza, e non é así tan só supón a aceptación dunha situación de feito de que dita edificación existe”, e engade “ neste proceso tramítase tamén a inclusión no Rexistro da Propiedade, que se pode facer por separado para recoñecer o propietario da edificación pero non unido necesariamente á tramitación proposta dende o concello” tamén se se pronuncian en canto as taxas, xa que lles parecen excesivas porque non diferencian entre distintos tipos de edificacións nin contemplan algún desconto, “ non é o mesmo un alpendre que unha casa ou un negocio con vivenda enriba. Non é o mesmo que a edificación estea no casco urbano que nun lugar sen servizos (auga, alcantarillado, luz pública, accesos deficientes…), non é o mesmo pero pretende cobrárselle a todo o mundo igual e moito, e esto a nós parécenos unha inxustiza, sobre todo nun momento económicamente tan delicado como o que está atravesando toda a sociedade.”

Nesta acción participou tamén a voceira municipal socialista e Deputada Provincial Pilar García Porto que agradeceu a todos os presentes a súa participación porque según di ”esto forma parte do noso compromiso e da nosa maneira de entender a política, un traballo á disposición e servizo dos veciños e veciñas”.

Ó longo da súa intervención manifestou que a falla de transparencia e diálogo coa veciñanza ven sendo a tónica dominante por parte do alcalde popular e o seu equipo de goberno, “e como unha dictadura municipal encuberta, na que predomina a falla de interlocución cos veciños” e puntualiza “tómanse decisións importantes como realizar obras ou cobrar taxas sen informar abertamente ós veciños e o que resulta máis grave sen ter en conta a súa opinión, sendo que todas as decisións políticas que se toman nun concello repercuten directamente na vida de cada un dos habitantes dese territorio”.

Referiuse á falla de transparencia nas contas aínda que se manifesta satisfeita porque ”hoxe mesmo me convocaron para a comisión especial de contas e agardo que eso queira decir que pronto imos a retomar o asunto das contas municipais para sacar adiante as de algún ano máis” e engade” esto é moi importante pois se o concello continúa sen presentar contas e sen realizar orzamentos, Antas non recibirá os mesmos ingresos que ata agora tiña por parte do Estado e da Xunta”, e puntualizou” desexo que por fin o alcalde faga os deberes en materia económica, aínda que chega tarde porque hai que empezar polas contas do 2008 e eso xa supón as de catro anos”

Na materia do cobro de recibos de auga e alcantarillado manifestou que este foi un imposto descoidado por Javier Varela dende o 2001, que representa un total de 10 anos, cando era responsabilidade municipal prestar e realizar o servizo incluíndo este lecturas e cobros periódicos que segundo a última ordenanza reguladora terían que ser efectivos de xeito trimestral, Pilar manifestou” esto foi un abandono das responsabilidades por parte do alcalde que agora cobra os catro anos últimos,que é o máximo permitido pola lei” e engade “ non é xusto que despois de eludir a súa responsabilidade agora grave desta maneira ós veciños, sería moito moito máis coherente facer unha lectura e comenzar a cobrar de agora en adiante”.

Unha das cuestións que máis suspicacias levantou neste punto foron os recibos que presentan numerosas irregularidades segundo definen os socialistas:
No concepto figura PADRON AUGA E ALC. 2008, e no detalle do EXERCICIO figura 2008 por un PERÍODO ANUAL. Mais abaixo vemos como se reflexa a LECTURA ACTUAL e LECTURA ANTERIOR, ámbas figuran sen data.Neste punto en concreto, os socialistas aconsellaron ós usuarios que teñan dúbidas que acudan ás oficinas do concello a que lles amosen as lecturas oficiais realizadas polo servizo municipal , nas que deberán reflexarse datas e consumos. Asímesmo reflexan que se incumple a norma establecida polo propio concello xa que os períodos de cobro terían que realizarse cada tres meses e non de xeito anual .O número de contador que figura no recibo non se corresponde co que figura físicamente no contador, polo que non é posible verificar que o cunsumo reflexado se corresponda a realidade. Os recibos preséntanse con ausencia do CIF do emisor (Concello de Antas de Ulla).

Ante esta caótica situación que están a sufrir os veciños de Antas de Ulla a voceira socialista animounos a acudir ó concello a pedir información e aclaracións sobre todos aqueles recibos que presenten dúbidas ós usuarios, tanto polo consumo que se vexa reflexado como porque se pase a cobro un servizo que non se presta, este é o caso dalgúns veciños os que se lles factura o alcantarillado cando a súa vivenda non está dotada con ese servizo.

Asímesmo anunciou que entre outras medidas o grupo do PSdeG-PSOE presentará unha iniciativa para que a reacudación realizada en materia de auga e alcantarillado repercuta no propio servizo, realizando melloras e dotando de rede de traída e saneamento a aqueles núcleos e vivendas ailladas que non os teñen.

Pilar rematou a súa intervención lembrándolle ós asistentes que ata o 28 deste mes poden consultar os padróns fiscais de auga e alcantarillado no concello, que son dous diferentes e que deberán conter os datos do usuario e as liquidacións incorporadas , e deberían facilitar tamén as lecturas con data e os importes de cobro.Pasada esta data os usuarios que así o estimen oportuno poderán interpoñer recurso.

Unha vez rematadas as intervencións o numeroso público asistente, arredor dun cento de persoas, realizou preguntas que na medida do posible foron aclaradas polos membros da mesa. Os socialistas manifestaron a súa satisfacción pola boa acollida que esta actividade de difusión informativa tivo entre a poboación de Antas de Ulla.

OS SOCIALISTAS DENUNCIAN IRREGULARIDADES NO COBRO DAS TASAS DE AUGA E ALCANTARILLADO

. Nas últimas datas o concello de Antas de Ulla empezou a cobrar as tasas de auga e alcantarillado.
Segundo os socialistas as queixas dos veciños son numerosas e demandan aclaracións sobre este cobro, xa que están a recibir nos seus domicilios recibos para o pago das tasas que non son o suficientemente claros. Dende o Concello, lonxe de subasanar as dúbidas dos veciños, cando estes se dirixen as oficinas municipais é unha concelleira do PP a que atende as demandas do público, non o fai un funcionario de xeito oficial.
Os socialistas demandan unha aclaración da situación, pois ainda que consideran que e necesario pagar por determinados servicios, reclaman que se faga dun xeito ordenado, transparente e con información suficiente, así declaran “dende que o gobernó de Antas non presenta as contas ten dificultades para recibir as aportacións estatais e autonómicas” e inciden “o verse sen cartos parece que o Alcalde pretende recaudar dos veciños para soster o concello”.
En ningún momento se fixo publicidade da ordenanza municipal reguladora para que os veciños fosen coñecedores das tasas que si ían aplicar, nin dos períodos que se pasarían a cobro, nin da data na que si iniciaría o proceso, chegando o extremo de que algúns cidadáns viron como se lles retiraban cartos das súas contas bancarias sin recibir ningún tipo de información do motivo, nin os recibos do concello para comprobar que os datos e lecturas eran correctos, de feito moitos queixanse de que estas lecturas son erróneas.
Segundo informan os socialistas, as posibles irregularidades na emisión dos recibos de auga e saneamento son numerosas, dando conta das mesmas a continuación:

- No concepto figura PADRON AUGA E ALC. 2008, e no detalle do EXERCICIO figura 2008 por un PERÍODO ANUAL. Mais abaixo vemos como se reflexa a LECTURA ACTUAL que segundo os veciños se corresponde coa lectura de finais do ano 2011. E así llo aclarou a concelleira do PP, Doris Sobrado, cando foron a pedir explicacións, manifestando ésta que o período de cobro era ata Decembro do 2011.
Neste punto en concreto, os socialistas esixirán o Concello que lles faga chegar os veciños as lecturas con data completa (día, mes e ano), xa que nos recibos non figuran nin a data de lectura anterior nin a actual. Asimesmo pedirán explicacións de por qué se fai ver que o cobro e Anual (2008) cando por outro lado a concelleira do PP aclara que a lectura actual nos recibos emitidos chega ata Decembro 2011, sin que os usuarios teñan constancia da súa lectura oficial no ano 2008 de maneira singular, e dos anos seguintes en xeral.
- O número de contador que figura no recibo non se corresponde co que figura físicamente no contador, polo que non é posible verificar que o cunsumo reflexado se corresponda a realidade.

- Ausencia do CIF do emisor (Concello de Antas de Ulla).
Ante esta caótica situación que están a sufrir os veciños de Antas de Ulla, os socialistas levarán a cabo diferentes inciativas, tales como:
- Esixiran que se de publicidade ante os veciños da ordenanza municipal reguladora para que sexan coñecedores das taxas que se lles poden aplicar dependendo do tramo de consumo no que se atopen.

- Pedirán aclaracións sobre a inclusión do cobro de alcantarillado e mesmo da traída naqueles lugares que ainda non teñen os dous servizos ou teñen deficiencia nalgún deles.

- Solicitarán o acceso os listados de usuarios e lecturas oficiais dos últimos catro anos e pedirán que se lle den a coñecer de forma individual a cada usuario.

- Pedirán explicacións sobre o feito de que unha Concelleira do PP sexa a persoa que exerza as labores de información o público sobre este asunto.

OS SOCIALISTAS DE ANTAS DE ULLA ADVIRTEN DE POSIBLES IRREGULARIDADES NA CONVOCATORIA DA PLAZA DE SECRETARIO INTEVENTOR.

O PSdeG-PSOE manifestou as súas dúbidas con respecto ó concurso ordinario de méritos para a provisión do posto de traballo da Secretaría-Intervención.

Os socialistas esixiron unha vez mais ó Alcalde Javier Varela, que elabore presupostos e presente contas, e lamentaron que unha vez mais se leven a pleno expedientes de modificación de créditos.

Os socialistas felicítanse ante a manifestación do Alcalde da iniciación da tramitación do PXOM.

A voceira do PSdeG-PSOE manifesta que “O Alcalde nunca tivo interés en dar explicacións sobre o expediente aberto pola súa parte contra o Secretario do Concello don Francisco Torrente”, e engade “sorprendéunos ver na orde do día a convocatoria para cubrir a plaza do Secretario-Interventor”, e manifesta “a plaza do Secretario non está vacante, porque don Francisco Torrente non foi destituido do seu cargo. Encóntrase nunha situación de inhabilitación temporal para o seu cargo. E unha cousa e estar destituido e non poder volver a exercer as súas función e outra é unha suspensión temporal polos motivos que sexan.
Ata o momento, que nos sepamos, non existe resolución ó respecto e polo tanto non hai constancia de que exista sanción específica para destituilo, parece ser que hai unha proposta de sanción da Consellería de Presidencia con carácter temporal. Por iso lle pedimos ó Alcalde como convoca concurso para unha plaza que xa está cuberta. En todo caso debería cubrirse con carácter temporal como se fixo ata o momento.”
Asimesmo na súa intervincíon no Plena, a voceira socialista instou ó Alcalde a presentar, se é que existe, a pertinente resolución por parte do Ministro de Administracións Públicas en virtude do expediente disciplinario.
A continuación, aclara, “expresei esta postura no Pleno, pois según o Réxime Xurídico dos Funcionarios con carácter Estatal, a destitución do cargo do Secretario-Interventor está reservado o Ministro de Administracións Públicas, cousa, polo tanto, que de ningunha maneira compete ó Señor Alcalde.”
Seguidamente di, “ o que nos temos claro é que esta é unha xogada para sacarse de enriba a un Secretario que o incomoda moito. Todos sabemos que lle gusta xogar en solitario e rexeitar todo tipo de control á súa función de Alcalde, do cal podemos dar boa fe os concelleiros que xa temos experiencia neste Concello. Mesmo chegou a custodiar expedientes e proxectos no seu despachao para evitar o acceso os mesmos por parte dos concelleiros da oposición, privando a si os mesmos do legal exercicio de control de gobernó. Ata se atreveu a presentalas contas de xeito ilegal, nos respetando os períodos de exposición da documentación nin facilitando aquela que foi pedida por escrito.”
Cabe recordar que naquel momento se presentaron as denominadas Contas da Empresa Municipal EPICA, que non contaban con ningún tipo de xustificante que as acreditase.
Os socialistas din “sabemos que lle molesta o control, a legalidade e a presenza do Secretario que mellor coñece, pola súa longa experiencia neste concello, a situación tan delicada na que se atopa o rexidor.”
Noutro orde de cousas e ante o punto 3º da Orde do día, os socialistas manifestaron, unha vez mais, a necesidade da elaboración do PXOM, e sentíronse reconfortados ante o compromiso expresado polo alcalde de empezalo nuns meses.
Modificación de Créditos
Unha vez mais levou a aprobación de dous Expedientes de Modificación de Crédito a Pleno, un deles con carácter urxente. Neste punto os socialistas manifestaron a imperiosa necesidade de elaborar presupostos e presentar contas no Concello de Antas de Ulla, e recordaron que desde o ano 2007 o Concello non rinde contas.
Punto Limpo
O grupo socialista preguntou ó Alcalde pola situación do Expediente de Tramitación para a construcción dun Punto Limpo no entorno da nave de Vilane, lugar no que seguen a existir restos de escombro, diversos vertidos e se realizan queimas. Faise imprescindible para os vecinos e veciñas de Antas ter un lugar onde depositar os residuos.
Tamén interpelaron ó Alcalde sobre a non celebración de Xuntas de Goberno cada quince días o cal o Alcalde respondeu que non as tiñas porque non había suficientes asuntos que tratar, a voceira socialista afirma que “esto é unha insensatez e falta de responsabilidade do alcalde e do seu equipo de Goberno xa que hai veciños que levan meses agardando, por exemplo, por unha autorización de obra, estando mesmo en xogo diversas axudas que se poderían perder pur unha cuestión de prazos administrativos.”

COMENZA A NOVA LEXISLATURA

Remataron as eleccións e en Antas de Ulla conseguiu a alcaldía o Partido Popular, tal e como decidiron a maioría dos votantes.
Agora para nos, para os concelleiros comenza un novo curso político no que descubrimos como o alcalde Javier Varela e os seus concelleiros lle contaban grandes verdades ós cidadáns cando lles pedían o voto ós cidadáns dicindo, por exemplo que lles votaran unha man porque os socialistas ían a por eles, ou porque a rubia esa os quería jo....En fin, que sí que lles dicían a verdade porque dende o seu punto de vista defender os interesees de tod@s os veciñ@s é atacar ós intereses particulares de cada un deles, que é, o que en definitiva defenden dende os seus postos políticos no concello e senón prestadelle atención á seguinte crónica elaborada polo noso grupo político despois do Pleno Extraordinario de Organización e xa me contaredes......


GARCÍA PORTO PLANTEXA REDUCIR AS DEDICACIÓNS EXCLUSIVAS EN ANTAS DE ULLA.
A proposta do PSdeG-PSOE recolle que só cobren do concello o alcalde e o tenente alcalde e que reduzcan nun 50% as súas asignacións.
Antas de Ulla, 28 de xuño do 2011. OS socialistas critican que non se sigan as pautas de austeridade predicadas por Feijoó e o PP e propoñen alternativas para reducir o gasto en Antas de Ulla.
Hoxe celebrouse o Pleno Municipal de Organización no que o alcalde, cos únicos votos a favor do PP, aprobou as dedicacións exclusivas do alcalde Javier Varela o Tenente Alcalde Robustiano Taboada e a concelleira Doris Sobrado.
Os socialistas critican que no concello de Antas de Ulla con pouco máis de 2.000 habitantes haxa tres dedicacións exclusivas que suman un gasto total de 104.000€ para as arcas municipais, o que supón 23.000€ máis que na lexislatura anterior na que había dúas dedicacións exclusivas e unha parcial. “ e aínda falta por saber se o novo tesoureiro municipal terá asignación económica como ocurría co anterior, que percibía aproximadamente 600€ de remuneración mensual, e se se contratará alguén para sustituir á concelleira liberada do Partido Popular”.
Neste punto o alcalde defendeu a súa proposta argumentando que “ o concello traballa como unha xestoría para os veciños” pronunciou Javier Varela, “labores que en moitos casos non lle son propias” aclaran os socialistas.
A voceira do PSdeG-PSOE insistiu en que a súa proposta ten en conta a actual situación económica e a idea de que os políticos deben predicar co exemplo. Deste xeito Pilar García Porto di que “ gustaríanos que cuestións como os salarios dos alcaldes e as dedicacións exclusivas municipais se regulen dende a Federación Galega de Municipios e Provincias (FEGAMP), tal e como dicía Feijoó que se faría cando prometía que nos concellos do PP se planificaría o gasto municipal e se establecería un código de boas prácticas económicas municipais”.

Noutro orde de cousas os socialistas nomearon a súa voceira Mª del Pilar García Porto como membro da Comisión Especial de Contas e segundo ésta manifesta “ estamos a favor da creación desta Comisión e desexamos que resulte máis útil que na pasada lexislatura, na que só nos reunimos unha vez en catro anos, e foi para tratar as contas dos anos 2004 ó 2007, motivo este polo que, repito, agardamos que se utilice este órgano tal e como dicta a lei, convocando á Comisión Especial de Contas alomenos unha vez ó ano para o seu correcto funcionamento, así o Concello gañaría en transparencia e en consecuencia en confianza da veciñanza”.

Por outra banda, a participación política vese reducida pois os Plenos pasan a celebrarse cada tres meses en lugar de cada dous como viña sendo habitual, neste senso a voceira dos socialistas apunta que ”a nosa proposta era ter maior participación política en representación dos veciños e veciñas e abrir os Plenos a unha maior afluencia de público, celebrándoos cada mes e en horario de tarde ou ben os sábados para que a veciñanza interesada tivera máis facilidades para asistir”, con respecto a esto o alcalde Javier Varela argumentou que catro plenos ó ano serían suficientes para controlar a acción do goberno e que con máis quedarían sen contido, ó que os socialistas engaden que “ a postura do alcalde deixa clara a pouca vontade que ten de fomentar a participación cidadá nos asuntos municipais” e “ non hai asuntos para tratar porque o alcalde non quere, nos aínda temos todas as propostas da lexislatura anterior sen incluir na orde do día de ningún Pleno, e podemos asegurar que as nosas aportacións lle darían contido ós debates de moitas sesión plenarias, pero coa proposta realizada hoxe pola alcaldía xa temos unha idea de cal vai a ser a postura do goberno de Antas durante os ximos catro anos”.
Así mesmo a Xunta de Goberno Local reuniráse cada 15 días e o Grupo Socialista solicitou que se lles entreguen as actas das reunións de dito órgano nos 10 días seguintes á súa celebración tale como define a lei “ e non como viña ocorrendo ata o de agora, que se nos entregaban as actas antes das celebracións dos plenos ordinarios cando os había”.
En canto ás asignacións por grupo os socialistas , que aínda non percibiron a adxudicación da lexislatura anterior, propuxeron reducila nun 100% e estaban dispostos a aceptar a proposta dos nacionalistas de recibir a cambio, o que xa é un dereito non percibido, un local e medios suficientes para cada grupo. Ambas propostas foron rexeitadas polo PP que realizou unha modificación da súa proposta inicial de 50€ ó mes por grupo e pronunciouse a favor dun fixo mensual de 40€ por grupo e 60€ máis por cada concelleiro ó mes.

No referente ó último punto da orde do día e que fai referencia ó cese do Secretario-Interventor polo plazo dun ano “convén aclararlle a cidadanía que dito cese fai referencia a unha sentencia do ano 2006 declarada firme no ano 2007 e que nada ten que ver co proceso aberto neste ano, no 2011, pola alcaldía polo que se suspendeu de emprego a D. Francisco Torrente Hortas, e que a data de hoxe está aínda sen resolver” manifesta voceira García Porto.

El Progreso - El PSOE de Antas pedirá aclaraciones al Concello por el vertido de alquitrán

El Progreso - El PSOE de Antas pedirá aclaraciones al Concello por el vertido de alquitrán

O PSdeG- PSOE denuncia que Feijoó desmantela sistemáticamente as Políticas Activas de Emprego, e fai uso partidista das mesmas

O PSdeG- PSOE denuncia que Feijoó desmantela sistemáticamente as Políticas Activas de Emprego, e fai uso partidista das mesmas
Sen lugar a dúbidas a sociedade da provincia de Lugo está atravesando un dos peores momentos ecónomicos dos últimos tempos, e a Xunta de Galicia lonxe de poñerlle solución a esta situación elude as súas responsabilidades en materia de aplicación e consolidación de Políticas de Activación de Emprego.
A falla de responsabilidad política levou a Feijoó a unha distribución completamente partidista e sectaria dos programos de promoción do emprego coñecidos como “Obradoiros de Emprego”. Hai uns meses que Feijoó deixou clara a súa ausencia total de compromiso cos parados da provincia de Lugo. Nesta materia o que fixo saltar a alarma foi o feito de que os Plans de Cooperación os concellos para a contratación de parados contasen con 3.000.000 de euros menos que na anualidade anterior, a pesar de que esta provincia contaba con 3.200 parados mais que facía un ano. Ademais este reparto fíxose dun xeito completamente sectario a favor dos concellos gobernados polo PP, que gobernando tan so un 30% da poboación da provincia, levaron un 1.500.884 euros mais que os gobernados polo PSdeG-PSOE, que gobernan o restante 70% da poboación.
A todo esto hai que sumarlle o agravante de que unha vez mais a Xunta de Galicia, con Feijoó o frente, discrimina á provincia de Lugo, e decide facer un reparto sectario dos fondos destinados ás políticas de creación de emprego, no que a obradoiros de emprego se refire, de tal xeito que o 70% da poboación recibe o 20% da inversión dos obradoiros, mentras que o 80% da inversión restante recae nos concellos que suman tan so o 30% da poboación da provincia.
¿Qué criterios de reparto segue Feijoó?, parece que claremante electoralistas, xa que dos oito obradoiros da provincia de Lugo ningún está destinado a concellos gobernados polo PSdeG-PSOE.
Na provincia de Lugo, a día de hoxe, medrou o paro por sexto mes consecutivo, e xa son 25.135 as persoas afectadas no mes de xaneiro, e dicir 2.709 parados mais que no mes anterior.
O incremento de parados na provincia de Lugo no último ano situase nun 12,09 %, o que case duplica a variación porcentual de Galicia nese mesmo período de tempo, que foi dun 6,13%.
O total de poboación dos concellos que solicitaron os obradoiros e non os tiveron sumaba 176.341 habitantes, cun total de 8.370 parados, fronte os concellos que si os tiveron, todos gobernados polo PP, cun total de 27.309 habitantes e tan so 1.297 parados.
Se esto non é un reparto sectario e partidista que Feijoó explique por que discrimina a maioria da poboación da nosa provincia.
Os fondos destinados pola Xunta de Galicia a estes programas no 2010 con respecto ó 2009 descenderon en 900.000 euros, e son medio centenar menos as persoas, e polo tanto as familias, que se van beneficiar deles dun xeito direto. Ante o feito de que so un 0,7% dos parados da provincia se benefician destes programas de incorporación ó mercado laboral, instamos a Xunta de Galicia a que diga a verdade e fale claro, e a que se poña a traballar en políticas serias e rigurosas que lle den prioridade a paliar as dificultades laborias polas que pasan moitas persoas e familias desempregadas desta provincia. E que o faga sen anteponer os intereses do seu partido, e que o faga pensando no interés xeral da poboación desempregada de toda a provincia.
Os Socialistas defendemos a aplicación das políticas de fomento e creación do emprego dun xeito igualitario e proporcional as necesidades da pobaoción, independentemente da cor política do partido que goberne en cada concello, como exemplo disto cabe destacar o programa “Lugo Emprega” da Deputación Provincial de Lugo, que incorporará a vida laboral a mais de 700 parados de toda a provincia, seguindo criterios de distribución poboacional, fronte os 175 parados que beneficiará a Xunta de Galicia con oito obradoiros, todos eles destinados a concellos gobernados polo PP, sin ter en conta criterios coherentes.

Programa de mellora das vías de comunicación de Antas de Ulla

Antas de Ulla conta co privilexio de ter recoñecido no seu territorio o centro xeográfico de Galicia. Ademáis en pouco tempo teremos moi preto de nós, a menos de 15 minutos da cabeza de municipio, dúas das principais vías de comunicación da Galicia interior, as autovías que unirán Lugo con Ourense e Santiago. No caso da última as obras están xa bastante avanzadas e podemos ver como pouco a pouco esta vía de especial interés para o noso concello toma forma, e podemos verificar sobre o terreo onde estará situada a rotonda de Filgueira (Palas Centro, pola carretera hacia Friol). Esta rotonda de enlace só dista do núcleo de Antas de Ulla 12 km, cun percorrido de 12 minutos, polo que representa o principal punto de unión coa A-54. Pero somos conscientes de que Antas conta con máis poboacións que tamén precisan achegarse o máximo posible a esta importante vía de comunicación sin meterlle un navallazo ó territorio de Antas de Ulla.

Para os socialistas as melloras das comunicación s do noso concello son unha costante dende tempos remotos, moito antes desta lexislatura os nosos compañeiros xa presentaron iniciativas neste sentido, a reivindicación das melloras das carreteras que comunican as aldeas, e tamén as vías provinciais que discorren por estas terras.

Consideramos, dende hai anos, que un dos principais eixos de comunicación do noso concello é a carretera da deputación que une Antas con Palas e con Chantada. Os socialistas sempre defendemos que este corredor de enlace entre dúas poboacións importantes con Antas como punto neurálxico era de principal importancia para o desenvolvemento deste concello. Hoxe en día representa un reto importante que antas de Ulla sexa un punto de unión importante entre as autovías que discorren polas poboacións antes citadas.

Queremos facer desta necesidade un compromiso con todos os veciñ@s de Antas de Ulla, e por eso preparamos un programa de mellora e desenvolvemento das principais vías de comunicación  e das pistas rurais de Antas de Ulla.

Poñémolo á vosa disposición para que libremente opinedes e entre tod@s colaboremos no desenvolvemento presente e futuro de Antas de Ulla.

PROGRAMA DE MELLORA E DESENVOLVEMENTO DAS COMUNICACIÓNS

View more presentations from piligporto.