O MANTEMENTO DAS ESTRADAS É PARA NOS UNHA PRIORIDADE

Dende a nosa agrupación consideramos que ás inversión en matemento das carreteras son vitais para a veciñanza de Antas de Ulla, sobre todo para aquelas persoas que viven nas aldeas, pois precisan utilizalas a diario. Esta é unha vella reivindicación dos socalistas de Antas que vimos reclamando o mantemento das vías e pistas municipais dende hai máis dunha década, e neste sentido levamos ó Pleno do Concello varias iniciativas que o alcalde nin incluiu nas diferentes sesións para evitar o seu debate.

Como podedes ver nestas imaxes e como ben sabedes os que a diario precisades desprazarvos en coche a lamentable situación que ofrecen moitas das vías do noso concello é esta;

O certo é que máis aló de atopar unha resposta práctica a este problema que afecta a todos os veciñ@s de Antas de Ulla, o Concello tan só dispuxo das ferramentas para tapar algunha fochanca con gravilla ou zahorra a pesar de prometer ata dous plans de bacheo que sumaban 300.000€.

Dende a Deputación de Lugo estase atallando este problema para os veciñ@s facendo unha recuperación integral (cunetas e firmes) que comenzou aló polo mes de xullo do ano pasado, das estradas que son titularidade desta entidade, coa utilización do Parque Móbil, a día de hoxe xa se remataron:

• máis de 24 quilómetros da LU-P-1809, de Antas de Ulla a Chantada,
•  a LU-P-0303, de Santiso a Cruceiro
• a  rúa que vai dende o casco urbano ao cuartel da Garda Civil 
• a calle Rodeiro
• mellorouse a estrada a palas de Rei ata o acceso á Cervela

CARRETERA ANTAS DE ULLA-CHANTADA

RÚA GENERAL PORTOMEÑE

Ademáis colaborouse co Concello para que arranxara varias vías da súa competencia a través do P.O.S. (Plan de Obras e Servizos), algún dos últimos exemplos son:

• P.O.S 2013 - ACONDICIONAMENTO DA CARRETERA  DE ANTAS DE ULLA A BERTOSENDE POR QUINTELA
• P.O.S 2014 - RECUPERACIÓN DE ACCESOS A VILASANTE, ABOI, SUAR E FONDEVILA
• P.O.S 2015 - Aprobado recentemente e sen executar ACCESOS A FONTELO, SAN        MARTIÑO DO CARRASCO, VILASIÓN E SAN FIZ

http://www.deputacionlugo.org/portal_localweb_ag/p_20_contenedor1.jsp?seccion=s_fnot_d4_v1.jsp&contenido=26927&tipo=8&nivel=1400&layout=p_20_contenedor1.jsp&codResi=1&language=es&level=1#sthash.QJXa1Wct

O PSOE de Antas de Ulla demostra a “falla de ética e de transparencia” nas contratacións municipais, coas que o alcalde favorece a familiares e a persoas afíns ao PP

Na Conta Xeral de 2013 pódese comprobar na documentación que a forma, facturas que suman 37.500 euros, que non son o suficientemente claras, e que ademáis benefician ao cuñado do alcalde, por unha asistencia xurídica que a entidade local podería recibir gratis da Deputacion, e ao marido da edil liberada polo PP ademáis doutras persoas relacionadas con excargos do concello.

Como exemplo “da nula xestión económica”, destacan os gastos derivados da Feira do Queixo  que suman 47.876€, e dos que 3.146 se corresponden con comidas (143 comidas a 22€), ademais doutros 1.718,20 en concepto de catering

A pésima xestión económica levada a cabo dende que Javier Varela é alcalde, póñeno de manifesto os datos oficiais do Ministerio de Facenda. Antas de Ulla é o concello máis endebedado da contorna; cuestión que non se aprecia nas contas públicas porque o rexedor sempre infla o orzamento en máis de tres millóns de euros en base a unha publicación no BOP para a residencia de maiores e a traída municipal

ANTAS DE ULLA, 20 DE OUTUBRO DE 2014.-  Os socialistas de Antas de Ulla demostraron que a Conta Xeral de 2013 amosa claramente a “absoluta falla de ética e de transparencia nas contratacións que fai o alcalde, así como o amiguismo e a nula xestión económica do Goberno local”. O grupo municipal do PSOE deste municipio fixo estas valoracións logo de examinar minuciosamente o documento contable e de comprobar que a documentación das facturas que a forman non é o suficientemente clara, e só cando se trata de pagamentos que corresponden a outras administracións, xeralmente á Xunta de Galicia, a través de subvencións, a descripción si que está realizada con detalle e se pode saber o destino. De non ser así, asegura Pilar García Porto, resulta imposible deducir onde se realiza a inversión.

En total, as facturas incluídas nesta situación suman un importe que se aproxima aos 37.500€ coa única explicación de que son obras e/ou reparacións viarias. Por este motivo, García Porto sospeita que a intención do rexedor “é ocultar o destino”, pois hai que ter en conta que nalgunhas ocasións se fala de cantidades considerables, que benefician a familiares e a persoas afíns ao Partido Popular deste municipio.

“Amiguismo e favoritismo”

A falla de transparencia, pero tamén o “amiguismo e favoritismo” que rexe este proceso, tamén se observa, explica a socialista, nas contratacións dos seguros dos vehículos municipais, pois estas fanse cun tomador que resulta ser o marido da actual concelleira liberada do PP, Doris Sobrado, e que suman 3.542€. “O grave, subliña, xa non é so a cantidade, senón que o tomador resulta ser él. Ademais,o alcalde paga a un cuñado seu, que é avogado de profesión, o importe de 2.662€ en concepto de minuta honorarios procedemento abreviado 219/12”. Para os socialistas trátase dun custo “elevadísimo”, pois o Concello pode ter totalmente gratis asistencia xurídica da Deputación de Lugo. Isto pon de manifesto que o PP “pon a alcaldía ó servizo de intereses de amizade, en lugar de procurar as mellores prestacións para os veciños, pois o correcto sería sacar estes contratos a concurso en aras da transparencia, a igualdade de oportunidades e mellor xestión, en lugar da contratación a dedo”.

“Nula xestión económica”

Como exemplo “da nula xestión económica” son os gastos derivados da Feira do Queixo  que suman 47.876€, e dos que 3.146 se corresponden con comidas (143 comidas a 22€), ademais doutros 1.718,20 en concepto de catering. Por outra banda, os gastos de publicidade de dito evento gastronómico suman 19.737,08€. “É un festexo importante pero o gasto é a todas luces esaxerado, e nós xa plantexaramos propostas para que se reducirá”, apunta a socialista.

Asimesmo, a entidade local pagoulle a Fenosa por pagos pendentes do último trimetre do 2011 e o primeiro do 2012 33.297,67€, ademais de tres prazos do convenio asinado con eles para solventar a débeda contraída (por impagos de anos anteriores), e que suman 32.002,93€. O último que cabe lembrar como exemplo da pésima xestión económica levada a cabo dende que Javier Varela é alcalde, subraia García Porto, póñeno de manifesto os datos oficiais do Ministerio de Facenda. Antas de Ulla é o concello máis endebedado da contorna, pero, claro, isto non se aprecia nas cifras que presenta a entidade local porque sempre infla o orzamento en máis de tres millóns de euros en base a unha publicación no BOP para a residencia de maiores e a traída municipal, conclúe a socialista.

O PSOE de Antas denuncia que, coa aprobación dunha operación de crédito de 400.000 euros, o concello aumenta a súa débeda ata superar o 1,7 millón de euros

Os socialistas abstivéronse na votación, e fixérono non porque estean en contra de que se realicen investimentos, senón pola “forma en que gobernan o alcalde e os seus edís, pois o único que están a conseguir é hipotecar as arcas públicas, realizando obras faraónicas mentras existen núcleos sen unha rede de abastecemento axeitada e accesos intransitables”

“Con este facer do PP, non só nos situamos como o concello da comarca máis endebedado, senón que incluso duplicamos o débeda con respecto, por exemplo, a Monterroso; municipio que tan só conta cun descuberto de 746.000 euros. E, ademais, resulta que toda a nosa débeda provén do impago de facturas. Así xestiona de ben o noso alcalde os cartos de todos”, ironizan

Consideran que a aprobación de dita operación de crédito é “un insulto aos veciños”, pois o 80% do Orzamento corresponde aos capítulos de Persoal e de Gastos Correntes, e para inversión a entidade local só presupostou 60.000 euros

Dado que a xestión do Goberno local adolece “de eficacia e de transparencia”, o grupo do PSOE solicitou que o concello priorice na súa xestión sendos plans de aforro e de obras e servizos, de tal xeito que os cidadáns sexan informados dos mesmos debidamente

ANTAS DE ULLA, 14 DE XULLO DE 2014.- Os socialistas de Antas de Ulla denuncian que o concello aumente a súa débeda pública en 400.000 euros, logo de que o Goberno local aprobase este luns, en sesión plenaria, unha operación de crédito por dito importe que, supostamente, está dirixida á execución dun campo de fútbol de herba artificial e a outras actuacións sen concretar.

Ante o que califican como “xestión nefasta”, o grupo municipal socialista abstívose na votación, e fíxoo non porque estean en contra de que se realicen investimentos no municipio, senón pola “forma en que gobernan o alcalde e os seus edís, pois o único que están a conseguir é hipotecar as arcas públicas, ao limitarse a realizar obras faraónicas coma esta ou como a adquisición de Barbalde (300.000 euros), o complexo castrexo das Canteiras (máis de 400.000 euros), e o horto ecolóxico de Fábregas (máis de 600.000 euros); todas elas, por certo, en completo estado de abandono e desuso”, subliñan.

Asimesmo, tal e como explica a voceira do PSOE –Pilar García Porto- outra das razóns que motivaron a abstención do seu Partido é a “falla de transparencia e claridade” das solicitudes realizadas previamente polo rexedor ao fin co que vai destinada esta operación de crédito. Concremente, o goberno local pediu a colaboración da área de Deportes da Deputación para financiar estas instalacións e unha axuda ao Fondo Europeo de Desenvolvemento Rexional para obras adicionais por valor duns 50.000 euros.

No primeiro do casos, a entidade local solicitou o apoio do organismo provincial sen precisar nin concretar os requisitos económicos que xustifican dita actuación; “algo que é inaudito, pois en ningún caso se viu que se recurra a unha institución para pedir unha axuda sen precisar a contía nin o concepto para a que se solicita…”, critica a socialista. E, polo que respecta á subvención europea, o FEDER “aínda non se pronunciou ao respecto, nin confirmando nin denegando a axudas. E, todo iso, a pesares de que xa estamos afeitos á superposición de obras que primeiro son unha cousa e logo outra, e que se financian primeiro dentro dun plan, e logo resulta que se meten noutro, para quedar finalmente abandonadas como as que xa citamos anteriormente”, afirma Porto.

Con este “pouco rigor na xestión”, asegura a voceira do PSOE, “o alcalde o único que logra é seguir engordando a débeda do concello”, e que, segundo se pode comprobar no Ministerio de Facenda, xa ascende a 1.314.000 euros. “Se de algo podemos presumir en Antas de Ulla é de non ser ben pagadores. Con este facer do Partido Popular non só nos situamos como o concello da comarca máis endebedado, senón que incluso duplicamos o débeda con respecto, por exemplo, a Monterroso; municipio que tan só conta cun descuberto de 746.000 euros. E, ademais, resulta que somos debedores cos proveedores. Toda a nosa débeda provén do impago de facturas. Así xestiona de ben o noso alcalde os cartos de todos….”, ironiza a socialista.

O 80% do Orzamento para Persoal e Gastos Correntes

Para o grupo municipal do PSOE, que o PP aprobe nestes momentos dita operación de crédito é “un insulto aos veciños”, pois “temos que ter en conta que o 80% do Orzamento de 2014 corresponde aos capítulos de Persoal e de Gastos Correntes e que o equipo de goberno tan só presupostou 60.000 euros para inversión”. Por este motivo, e dado que a xestión municipal adolece “de eficacia e de transparencia”, os socialistas solicitaron que o concello priorice na súa xestión sendos plans de aforro e de obras e servizos, de tal xeito que os veciños sexan informados dos mesmos debidamente.

No apartado de Rogos e Preguntas da Orde do Día tamén pediron ao alcalde que cumpra os tempos establecidos no Regulamento Orgánico para a celebración das sesión plenarias, xa que o Pleno deste mes debería de terse celebrado en xuño, así como o mantemento e acondicionamento de espazos públicos como a zonas de Barbalde e das Canteiras, ou o horto ecolóxico de Fábregas.

O PSdeG de Antas reclama ó alcalde que “cumpra a palabra dada” e disolva a empresa pública Épica “dada a súa inutilidade”

Os socialistas lamentan “a falta de rigor” de Varela ó rexeitar todas as súas alegacións ás contas xerais de 2012, incluídas as relacionadas coa contratación de dous servizos municipais a familiares próximos do goberno local, “sen basearse nun informe técnico elaborado pola secretaría”   

O PSdeG de Antas de Ulla reclamou no pleno celebrado na mañá deste luns que o Goberno local do PP “cumpra a palabra dada” e disolva a Empresa de Promoción Integral de Antas (Épica), de titularidade municipal, dada a súa “inutilidade, pois non cumpre ningunha función, e os resultados económicos negativos que presenta”. Os socialistas lembran que o alcalde comprometeuse a primeiros deste ano a pechar a sociedade mercantil na pasada primavera, “algo que non cumpriu”, e ante as explicacións que lle pediron na sesión plenaria de hoxe, “deunos largas e escusas pouco fundamentadas”, polo que “lle esiximos que mire polos intereses dos veciños e acabe por desfacerse desta entidade inútil”, subliñou a voceira municipal, Pilar García Porto.    

A Conta Xeral de Épica correspondente a 2012, na que se reflicte a situación económica da empresa, foi un dos asuntos abordados hoxe pola corporación de Antas, así como o estado de contas do Concello en xeral, tamén referido ó pasado ano. García Porto lamentou a “falta de rigor” do alcalde por rexeitar todas as súas alegacións a estes documentos contables, incluída a contratación de dous servizos municipais a familiares próximos ó goberno local, “sen avalar as súas manifestacións cun informe técnico elaborado pola Secretaría municipal, algo sorprendente que volve a demostrar a súa nefasta xestión e descontrol”.

A voceira socialista tamén esixiu “máis transparencia nas contas, que nos permita cumprir co noso papel de fiscalización do traballo do Concello e comprobar a execución real dos orzamentos, pois a documentación presentada está incompleta, faltan facturas e non temos todos datos en canto a investimentos reais”.

A necesidade de axilizar o PXOM

O PSdeG aproveitou o pleno para demandar ó executivo do PP que axilice a elaboración e tramitación do Plan Xeral de Ordenación Municipal (PXOM), “que aínda está nos primeiros pasos”, co obxectivo de favorecer “o normal desenvolvemento urbanístico de Antas, que hoxe se sigue rexendo por unhas normas subsidiarias obsoletas da década dos 70, pero tamén para aforrar cartos ós veciños cando para unha obra teñen que realizar unha delimitación en solo rural”. Os socialistas fixeron este chamamento no punto no que se debateu a aprobación provisional da modificación do proxecto da delimitación de solo do núcleo rural de Vilane.

“Ó PP non lle importan os problemas dos veciños”

Por outra banda, subliñou García Porto, o grupo municipal do PP “fixo gala de novo do seu despotismo e falta de interese polos problemas reais dos veciños” ó negarse a debater unha moción presentada polos socialistas na que lle pedían  ó Concello que atenda varias demandas dos residentes na parroquia de Barreiro: eliminar os vertidos da depuradora e trasladala a outra localización; reparar os accesos á aldea, as vías de concentración parcelaria, e as pistas danadas coa construción da propia depuradora; e construír unha traída de auga con capacidade suficiente para que chegue a tódolos fogares.

Información sobre o plan de bacheo e o obradoiro

Por outra banda, a voceira espera que o alcalde cumpra, “esta vez si”, o compromiso expresado no pleno de entregarlles unha lista das obras acometidas co plan de bacheo de estradas municipais anunciado por Varela o pasado ano, así como unha relación dos traballos realizados polo obradoiro de emprego I Ulla-Miño, que compartiron Antas, Portomarín, Palas de Rei e Taboada. O PSdeG quere coñecer con exactitude as actuacións executadas a través da ambas iniciativas “polos indicios de deixamento e irregularidades” que detectaron.

O PSdeG de Antas denuncia a “falta de ética” do PP por contratar servizos municipais a familiares próximos do alcalde e unha edil

“O Concello paga por asistencia xurídica a un parente de Javier Varela” e a contratación das pólizas aseguradoras “foi para o marido da concelleira do goberno local con dedicación exclusiva", unha situación que os socialistas critican nas alegacións á Conta Xeral de 2012 que debaterá o pleno o luns

Subliñan que este documento contable demostra “a desastrosa xestión económica” do rexedor, pois “constatamos que faltan facturas, e que hai retrasos inxustificados no abono do servizo de recollida de lixo. Ademais neste 2013 ten facturas sen pagar ós provedores por valor de 1 millón de euros”

O PSdeG de Antas de Ulla considera “unha total falta de ética e de dubidosa legalidade” a contratación por parte do goberno local do PP de dous servizos municipais a familiares moi próximos do alcalde e unha concelleira, sen telos sacado a concurso público. O Concello, “con cartos de tódolos veciños”, págalle por asesoramento xurídico dende hai xa varios anos a un parente de Javier Varela, unha situación que, “ademais do amiguismo que denota, é moito máis grave, pois o Concello pode ter totalmente gratis asistencia xurídica da Deputación de Lugo”, explica a voceira municipal, Pilar García Porto. Por outra banda, a contratación das pólizas aseguradoras municipais “foi para a empresa do marido da edil do goberno con dedicación exclusiva”, unha decisión que tamén pon de manifesto para os socialistas que o PP “pon a alcaldía ó servizo de intereses de amizade, en lugar de procurar as mellores prestacións para os veciños, pois o correcto sería sacar estes contratos a concurso en aras da transparencia, a igualdade de oportunidades e mellor xestión, en lugar da contratación a dedo”.

Ambos casos, “dende logo reprobables eticamente, pero tamén dubidosamente legais”, centran parte das alegacións que o Grupo Municipal do PSdeG de Antas presentou á Conta Xeral de 2012 que debaterá o pleno o vindeiro luns. Este documento contable debe reflectir a realidade económica do Concello ó peche do ano, como executou o orzamento, canto gastou e canto ingresou, ou as débedas que acumula.

Neste senso, Pilar García Porto, tamén deputada provincial de Economía, Recadación e Facenda, recalcou que o expediente, “ademais de amiguismo”, demostra “a desastrosa xestión económica do alcalde”. “Constatamos que faltan facturas; que non se fai unha xestión eficiente dos recursos públicos, pois, por exemplo, contrátanse servizos xurídicos que  se podían tres gratis, ou traballos no alumeado público que os podería facer persoal municipal; e houbo retrasos no abono do servizo de recollida de lixo, pois a 31 de decembro, había pendentes de pago 35.000 euros, algo inxustificado, porque os usuarios tiñan pagado escrupulosamente ó Concello as correspondentes taxas e estes cartos non poden ter outro destino máis que o de abonar a recollida de lixo”. Ademais, o Concello ten pendentes de pago 1 millón de euros en facturas a provedores, como consta no Orzamento municipal deste 2013.

Convocatoria irregular

Outra das alegacións presentadas polo PSdeG ten que ver coa convocatoria da comisión informativa municipal para tratar este documento, que se celebra previamente ó pleno e tivo lugar a principios de setembro. A voceira lembrou que o alcalde “saltouse de novo as regras democráticas” ó convocar a xuntanza de xeito “irregular, sen respectar os prazos mínimos esixidos pola lei, unha vulneración dos nosos dereitos e unha falta de respecto ós veciños inaceptable”, pero “nin moito menos a única”, xa que “fixo o mesmo en marzo co pleno de aprobación dos Orzamentos deste 2013, que adiantou unha semana sen avisar cos dous días de antelación requiridos”. García Porto lembrou que o Valedor do Pobo admitiu a trámite a reclamación que lle fixo o grupo socialista e os nacionalistas pola actuación do rexedor no caso da sesión plenaria de marzo.

O PSdeG de Antas ve “sen garantías” os fondos por 3,4 millóns de euros para a residencia e a traída de augas

Os socialistas critican que os orzamentos municipais están “inflados con cifras irreais non comprometidas pola Xunta”, e lamentan que a débeda municipal a proveedores sexa de case un millón de euros, “o dobre do que recoñecera o alcalde, que segue amosando unha absoluta falta de transparencia”

O PSdeG de Antas votou, no pleno de xuño, en contra da aprobación definitiva dos orzamentos municipais, dun total de cinco millóns de euros, que saíron adiante cos votos a favor do PP e a abstención dos nacionalistas. Os socialistas critican que as contas inclúen dúas partidas importantes, unha de 2,8 millóns de euros para a ampliación da residencia da terceira idade, e outra de 600.000 euros para a traída de augas, que só son “unha cortina de fume ata as próximas eleccións municipais” e son investimentos “sen garantías” que non contan coa aprobación da Xunta, non aparecen nas contas autonómicas e en ningún casos serán executadas neste exercizo, polo que o goberno local presenta uns orzamentos “inflados con cifras irreais”, segundo explica a voceira do PSdeG, Pilar García Porto. Sen estes proxectos “no aire”, os investimentos do concello redúcense nuns 10.000 euros con respecto a 2012.

Débeda

A socialista lamenta asimesmo “a situación de endebedamento do municipio, moi lonxe do que di o alcalde”, cunha débeda a proveedores de case un millón de euros -929.181 euros- a 1 de xaneiro de 2013, “o dobre do que dixera o alcalde, que recoñecera 590.000 euros, nunha nova mostra de absoluta falta de transparencia”. Ademais, o Concello ten que amortizar este mesmo ano case 20.000 euros dun crédito e ten pendentes devolucións ao Estado por case 85.000 euros dos anos 2008 e 2009. García Porto destaca ademais que a contención do gasto corrente “da que presume o Concello” (7.000 euros) non chega nin ao 1% do total.

Sen resposta ás alegacións e sen cumprir prazos

Por outra banda, a voceira do PSdeG denuncia que “non houbo contestación nin hai constancia de ningún informe técnico” ás alegacións aos orzamentos presentadas polos socialistas, e que o alcalde “limitouse a rexeitalas no mesmo pleno”. Os socialistas lembran ademais que  son os segundos orzamentos aprobados no concello desde 2004, e que tanto os de 2012 como os de 2013 “foron aprobados fóra do prazo legal”. Tamén lembrou que pleno para a aprobación inicial foi convocado sen prazo suficiente, polo que “todo o proceso careceu dun mínimo de garantías democráticas para a oposición”.

Sen axudas a colectivos sociais

Por último, García Porto lamenta que “as subvencións a colectivos sociais con moita actividade no Concello”, como o das festas parroquiais ou a Sociedade Deportiva de Antas, “non se actualizan desde o ano 2004”, polo que “a iniciativa social do municipio non recibe apoio desde goberno”.

O PSdeG de Antas esixe que o Concello atenda as peticións dos veciños e repare os accesos a Casadenaia

Os socialistas denuncian o “grave deterioro dos viais” e preguntan “onde van os 200.000 euros prometidos polo alcalde para a mellora das rúas”, e piden o arranxo dunha canalización de auga con fugas tras a denuncia dos afectados

O PSdeG de Antas esíxelle ao goberno local que “repare dunha vez por todas as rúas de acceso” na parroquia de Casadenaia que son de titularidade municipal, e que atenda as queixas dos veciños “que xa presentaron reclamacións por escrito en varias ocasións sen obter resposta” polas deficiencias en Casadenaia, Aboi, Suar e Fondevila (todas pertencentes á parroquia). 

A voceira socialista, Pilar García Porto, critica o “grave deterioro” dos viais e pregunta “onde van os 200.000 euros que prometeu o alcalde para a mellora e reparación da vías”, unha partida pola que se interesaron xa en dúas ocasións no pleno sen obter explicacións. Unha das reclamcións dos veciños e veciñas é a reparación dunha canalización de auga en Casadenaia que ten fugas e mantén o camiño “sempre mollado e con aspecto de barrizal, coas consecuencias que isto ten para os veciños e para o propio mantemento das infraestruturas”. García Porto lembra que esta obra “foi anunciada e feita a toda présa xusto antes das eleccións, e agora debe ser que xa non importa como quedase”. A socialista indica que “os únicos accesos decentes no Concello sexan as vías provinciais, mentres o Cgoberno local promete e non fai nada”