EN ANTAS NON HAI GOBERNO

ANTAS DE ULLA SOFRE UNHA CAÓTICA SITUACIÓN DE DESGOBERNO

O Alcalde, Javier Varela non convocou ós concelleiros ó Pleno que tiña que terse celebrado fai xa un mes.

Os socialistas entendemos que o Pleno é o instrumento mediante o cal a oposición e o goberno presentan as súas propostas e as debaten. É, ó noso entender, un instrumento fundamental para o correcto funcionamento da democracia. Pero, desgraciadamente en Antas de Ulla a situación é ben diferente, pois o alcalde obstaculiza esta vía de encontro entre os problemas e necesidades dos veciños e as solucións que se poidan adoptar, como o amosa o feito de que xa pasase un mes dende a data en que tiña que celebrarse o último Pleno. Este comportamento pon de manifesto que a alcaldía está sumida nunha parálise absoluta e nun desgoberno caótico.

Esta fórmula resalta a despreocupación real do alcalde polos problemas diarios dos veciños, como pon de manifesto o feito de que en máis de tres anos nunca levase unha proposta do PSdeG-PSOE ós Plenos.


Sin explicacións

Esta situación é innecesaria e podería terse evitado fácilmente.
Ó alcalde de Antas de Ulla suponlle moito esforzo dar explicacións, como podemos deducir polos seus comportamentos nas sesións plenarias, e así facendo gala deste comportamento habitual, tomou esta decisión de xeito unilateral, sen facer ningún comunicado previo, simplemente un dos empregados municipais achegou ós concelleiros a información relativa a unha resolución da alcaldía para a solicitude dunha subvención á Consellería de Traballo e Benestar e expresou que o na data prevista para a celebración do Pleno se prevía que o Secretario ía estar de baixa.

Por iso dende o PSdeG-PSOE entendemos que esto se podía solucionar de xeito sinxelo, pois aída que para a celebración da sesión se require a asistencia do Presidente e o Secretario, éstes poden ser sustituídos por quenes legalmente poidan facelo. Así os socialistas defendemos que se podía adiantar ou retrasar o pleno, ou mesmo continuar con él como estaba previsto, era algo tan simple como solicitar á Deputación de Lugo que a través do Servizo de Asistencia e Asesoramento Xurídico ós Concellos enviase un sustituto.

Tal vez, o que preocupa ó alcalde é que para solicitar a subvención a que anteriormente se facía referencia, entre outra documentación ten que achegar un informe onde conste a disposición de financiamento para as partidas orzamentarias que sexan financiadas por dita subvención.

A situación en Antas de Ulla resulta alarmante xa que este concello está traballando cos orzamentos prorrogados dende o 2004 e a situación económica resulta moi precaria xa que en repetidas ocasións no pleno apróbanse créditos para facer fronte a débedas con ata tres ou catro anos de antigüedade.

Precísanse explicacións

O PSdeG-PSOE esixirá explicacións ó equipo de goberno cando novamente se celebre un pleno, xa que esta foi unha decisión autoritaria, sin ter en conta a opinión do resto de concelleiros e dos diferentes grupos políticos, simplemente o alcalde decidíu suprimir o pleno de xeito inxustificado.

Así, mentras en Antas de Ulla imos pasando da Feira do Queixo ó San Xoán, o alcalde deixa os deberes sin facer, e é que non se da conta de que os tempos da antiga Roma pasaron e un pobo non se alimenta con circo.

En todo caso, esto é unha mostra máis de que a situación actual non é a dun mal goberno, en Antas de Ulla, simplemente non hai goberno.

Barbaridades populares

Esta entrada está formada polo artigo de opinión do compañeiro Luis Ángel Lago Lage, Lucho, Senador en Madrid, publicada no xornal El Progreso o pasado domingo.


BARBARIDADES POPULARES

A lideresa nacional asiste a un acto público do PP en Madrid e presume diante de Rajoy: “esta mañana ya hablé y he dicho barbaridades sobre la reforma light del Gobierno”. De novo un micrófono aberto, e xa son moitos, deixa en evidencia as malas artes destes patrioteiros populares, que levan o estandarte no corazón e a patria na carteira.

Está claro, existe unha campaña de acoso e derribo de Zapatero, perfectamente deseñada e planificada, e son perfectamente conscientes das moitas barbaridades que no día a día executan nunha sinfonía estridente de desprestixio e crispación, sen importarlles para nada o dano que están a facer ó país, á súa solvencia económica e ó benestar cidadán, porque prefiren o peor para España antes que apoiar ó Goberno.

Moitas barbaridades que a cotío temos que escoitar co obxectivo único de facerlle dano ó Goberno, falando mal de España e da súa economía e opoñéndose a calquera medida para saír da crise. E digo eu, que pensarán agora de Inglaterra ou Alemaña, ¿tamén son países tutelados e intervidos pola Unión Europea, ou perderon a súa soberanía económica?. Seguramente pensarán que despedir a 15.000 funcionarios alemáns é unha medida necesaria, que os recortes sociais en Alemaña, tamén en pensións e sanidade, son xustos ou que subir os impostos de todos é unha medida xustificada.

Como efecto colateral a crise está a mostrarnos a faciana máis dura da dereita española, desquiciada polas ansias de poder, que na mañá racha as súas vestimentas polas medidas de austeridade en España e pola tarde se felicita entusiasta dos recortes sociais en Alemaña e Inglaterra. Rajoy non entende que con tantas barbaridades están a xerar máis desconfianza nos mercados financieiros e a prexudicar máis os intereses de España e as súas posibilidades de recuperación.

Luis Angel Lago Lage
Senador por Lugo

A DEPUTACIÓN INVIRTE EN ANTAS DE ULLA

A Xunta de Goberno aprobou este venres o Plan de Pequenas Infraestruturas para Concellos de menos de 5.000 habitantes para o ano 2010, e a través do que o organismo provincial realizará obras nestes municipios por valor de 1,2 millóns de euros. Neste anualidade, o Plan experimenta un aumento do 10% co respecto a 2009, de tal xeito que a aportación do organismo provincial é de 800.000 euros e a dos Concellos de 387.329.
Os municipios perceptores destas axudas son os que teñen maior déficit en infraestruturas e servizos e menos recursos, e que polo tanto necesitan máis axuda da Deputación. Cada Concello recibirá unha subvención do 70% ata un máximo de 19.500 euros. O 30% restante será aportado polas entidades locais.
No Concello de Antas invirtese un total de 27.500€, dos cales a Deputación aportará 19.250 e o concello 8.250 que se empregaran para a obra denominada Acondicionamento do Entorno de Regadío

SITUACIÓN IRREGULAR DA COMISIÓN ESPECIAL DE CONTAS DE ANTAS DE ULLA

Segundo a Lei 7/1985, do 2 de abril, Reguladora das bases do Réxime Local a Comisión Especial de Contas existe en todos os Concellos dacordo co previsto no artigo 116, segundo o cal, esta Comisión estará formada por membros dos distintos grupos políticos con representación municipal na corporación. As contas anuais someteránse a informe da Comisión Especial de Contas antes do 1 de xuño de cada ano e será asimismo obxecto de información pública antes de someterse á aprobación do Pleno, a fin de que podan formularse contra as mesmas reclamacións, reparos ou obsesrvacións. Esto é o que di a Lei, pero a realidade é que en Antas de Ulla no que vai de lexislatura, dende o 2007 incluído, non se convocou nunca a Comisión Especial de Contas, a pesar de que creación desta se consolidou no Pleno do 09 de xullo do 2007 por unha proposta da alcaldía, e quedando integrada por : alcalde (presidente), mais dous membros do PP, mais un do PSdeG-PSOE e un do BNG.

Oscurantismo absoluto

A pesar do esforzo realizado dende o noso grupo ó insistirlle a alcaldía que presente as contas dunha vez por todas, xa que dende o 2004 non se presentan os orzamentos, non se tivo en conta esta necesidade en ninguna ocasión, e o único que se fai é levar prácticamente a todos os Plenos a aprobación de diferentes partidas de créditos. Esta situación irregular do tratamento das contas municipais de Antas de Ulla é especialmente preocupante polo motivo anteriormente citado xa que a xestión económica non é clara e o e a falla de transparencia é repetitiva dende o comenzó do mandato xa que como dicíamos a Comisión Especial de Contas non foi convocada en ninguna ocasión a pesar de ter a obriga de facelo por lei alomenos unha vez ó ano.

Improvisación

Dende a alcaldía non se ten clara a liña de traballo e ó non marcar cos orzamentos a economía municipal vanse dando saltos en diferentes dirección sen coller a carretera boa en ningún momento, e así se chega a situación comprometidas como ter varios proxectos sen rematar, comenzar obras para logo non rematalas, non tramitar subvencións a tempo, etc…

 

Por todo o exposto tentaremos que no próximo Pleno se aclare a irregular situación da Comisión Especial de Contas que leva sen convocarse dende a súa creación.

AVANCE ANTES DO PLENO - UN DICTADOR NO SÉCULO XXI

Onte pola tarde pasadas as 17.00h os concelleiros do PSOE recibimos as convocatorias para o Pleno que se celebrará mañá ás 13.00h,sen que se cumpliran as 48h preceptivas para que o plazo estea acorde coa lei, práctica que ven sendo habitual dende o comenzo desta lexislatura.

Pero a sorpresa foi maiúscula cando hoxe a primeira hora da mañá nos atopábamos revisando os documentos relacionados cos puntos da orde do día da sesión de mañá, e o alcalde irrumpiu no despacho da secretaría para ordenar que non saíra dese lugar a documentación, motivo este polo que os concelleiros viron impedida a súa labor de documentarse para o pleno de mañá. A práctica habitual sempre foi no Concello de Antas que a oposición levase a cabo no salón de plenos a revisión da documentación,xa que o despacho da secretaría é moi pequeño e non dispón dun espazo habilitado para esta tarefa.

¿Qué oculta o alcalde? ¿Por qué pón tantos impedimentos para que consultemos a documentación? ¿ a qué se debe esta falla de transparencia? ¿Por qué non presenta as contas? ¿ a qué ten medo o alcalde?

Esas son as preguntas que habitualmente nos facemos dende hai case tres anos cando se nos nega o dereito a consultar proxectos anteriores ó 2007 aínda que estean sen rematar, non se nos facilitan fotocopias obrigándonos a tomar nota á man de toda a documentación, non deixando que un concelleiro consulte dúas veces o mesmo proxecto, etc…

Realmente atopámonos nunha dictadura que o único que pretende é a ocultación de documentos públicos e dificultar a tarefa de control ó goberno como concelleiros e representantes que somos do pobo.

Falta de respeto

O pasotismo hacia as necesidades reais e máis básicas dos veciños queda posto de manifesto no momento en que o alcalde non respeta o traballo dos concelleiros na oposición, xa que en máis de dous anos e medio de goberno nunca levou unha iniciativa dos socialistas a Pleno para que poidese ser bebatida e denfendida correctamente no seo do Pleno, a pesar de que todas e cada unha delas foron iniciativasque contemplan actuacións destinadas únicamenteó concello de Antas de Ulla. Os rogos presentados polo PSOE con sorte dánse por oídos e as preguntas que facemos nos plenos son contestadas en contadas ocasións.

Ante esta situación na que non se nos permite realizar a nosa labor de concelleiros con normalidade xa que non se respetan os dereitos que como concelleiros temos e deste xeito non podemos ejercer os nosos deberes, acudiremos ó Valedor do Pobo para que nos ampare e na defensa dos nosos dereitos e deberes para desenmascarar esta actitude tan pouco democrática e carente totalmente de transparencia.

MOCIÓN

A continuación publicamos o texto da última moción presentada polo noso grupo para sexa tratada no vindeiro pleno, que se celebrará o xoves 25 de marzo:

Exposición de Motivos:

Co paso do tempo os terreos municipais que rodean a nave na que se albergan a Cooperativa Agraria e o almacén de maquinaria municipal transformáronse nun auténtico vertedoiro de lixo incontrolado.

Este vertedoiro supón un importante foco de contaminación e de riscos sanitarios, ademáis de converterse nun posible foco de incendio.

Dende o concello non se está levando acabo ningunha labor de control, pois o vertedoiro ten varios anos de antigüedade, senón que se fomenta a utilización deste vertedoiro incontrolado, xa que o prpio concello fai uso deste punto de vertidos inertes.

Podemos atopar de todo dende electrodomésticos abandonados, a escombro, pasando por residuos metálicos ou plásticos de uso gandeiro e outros como mobiliario urbán (papeleiras e contenedores de lixo, etc…) por non falar da maleza que cubre moita da superficie chegando as silvas ata o teito da nave, maleza que en caso de incendio supón un risco engadido.

Por outra banda cabe decir que a lei de residuos de Galicia establece que as entidades locais serán competentes para a xestión dos residuos urbanos. Dentro da categoría de residuos urbanos inclúense os residuos xerados en domicilios particulares, entre outros:mobles, electrodomésticos, colchóns e outros voluminosos do fogar, que no caso do vertedoiro incontrolado de Antas de Ulla constitúen un apartado moi importante pola cqntidade que dos mesmos se poden atopar no lugar. Existen en Galicia empresas autorizadas para reciclar os colchóns e os mobles. Os Concellos deben contactar con elas para entregarlles estes residuos. Ditas empresas divídense en dous grupos: Unhas que só almacenan e outras que reciclan. Cando estes residuos proceden de comercios os Concellos non están obrigados a recollelos, pero poden chegar a acordos con quen os produce para súa correcta xestión. Polo que se refire os residuos de aparellos eléctricos e electrónicos os concellos poden adherirse o Convenio Marco subscrito entre a Consellería de Medio Ambiente, Territorio e Infraestruturas e os Sistemas Integrados de Xestión de Residuos Eléctricos e Electrónicos.

Tamén se consideran residuos deste tipo baterías, aceites de motor e outros resultantes do mantemento de vehículos realizado por particulares, así como pilas de botón, tubos fluorescentes e outros residuos perigosos.

Dentro das competencias dos concellos encontrase a de prestar os servizos derivados da xestión dos residuos urbanos. Dentro dos servizos que teñen que prestar inclúense a recollida, transporte, valorización e eliminación de residuos urbanos ou municipais de forma directa ou indirecta.

Por todo o anteriormente exposto, e coa finalidade de rematar coa utilización deste vertedoiro incontrolado, propoño ó Pleno desta Corporación a adopción dos seguintes

Acordos:

- que se realicen os trámites oportunos para dotar ó concello de Antas de Ulla dun Punto Limpo, para evitar o vertido incontrolado de escombros e residuos voluminosos coma mobles ou electrodomésticos. En definitiva para xestionar adecuadamente e de forma específica aqueles residuos que polo seu tamaño (residuos voluminosos) ou pola súa composición (pilas, disolventes e outros materiais perigosos) precisan un tratamento diferenciado.