El Progreso - El PSOE de Antas pedirá aclaraciones al Concello por el vertido de alquitrán

El Progreso - El PSOE de Antas pedirá aclaraciones al Concello por el vertido de alquitrán

O PSdeG- PSOE denuncia que Feijoó desmantela sistemáticamente as Políticas Activas de Emprego, e fai uso partidista das mesmas

O PSdeG- PSOE denuncia que Feijoó desmantela sistemáticamente as Políticas Activas de Emprego, e fai uso partidista das mesmas
Sen lugar a dúbidas a sociedade da provincia de Lugo está atravesando un dos peores momentos ecónomicos dos últimos tempos, e a Xunta de Galicia lonxe de poñerlle solución a esta situación elude as súas responsabilidades en materia de aplicación e consolidación de Políticas de Activación de Emprego.
A falla de responsabilidad política levou a Feijoó a unha distribución completamente partidista e sectaria dos programos de promoción do emprego coñecidos como “Obradoiros de Emprego”. Hai uns meses que Feijoó deixou clara a súa ausencia total de compromiso cos parados da provincia de Lugo. Nesta materia o que fixo saltar a alarma foi o feito de que os Plans de Cooperación os concellos para a contratación de parados contasen con 3.000.000 de euros menos que na anualidade anterior, a pesar de que esta provincia contaba con 3.200 parados mais que facía un ano. Ademais este reparto fíxose dun xeito completamente sectario a favor dos concellos gobernados polo PP, que gobernando tan so un 30% da poboación da provincia, levaron un 1.500.884 euros mais que os gobernados polo PSdeG-PSOE, que gobernan o restante 70% da poboación.
A todo esto hai que sumarlle o agravante de que unha vez mais a Xunta de Galicia, con Feijoó o frente, discrimina á provincia de Lugo, e decide facer un reparto sectario dos fondos destinados ás políticas de creación de emprego, no que a obradoiros de emprego se refire, de tal xeito que o 70% da poboación recibe o 20% da inversión dos obradoiros, mentras que o 80% da inversión restante recae nos concellos que suman tan so o 30% da poboación da provincia.
¿Qué criterios de reparto segue Feijoó?, parece que claremante electoralistas, xa que dos oito obradoiros da provincia de Lugo ningún está destinado a concellos gobernados polo PSdeG-PSOE.
Na provincia de Lugo, a día de hoxe, medrou o paro por sexto mes consecutivo, e xa son 25.135 as persoas afectadas no mes de xaneiro, e dicir 2.709 parados mais que no mes anterior.
O incremento de parados na provincia de Lugo no último ano situase nun 12,09 %, o que case duplica a variación porcentual de Galicia nese mesmo período de tempo, que foi dun 6,13%.
O total de poboación dos concellos que solicitaron os obradoiros e non os tiveron sumaba 176.341 habitantes, cun total de 8.370 parados, fronte os concellos que si os tiveron, todos gobernados polo PP, cun total de 27.309 habitantes e tan so 1.297 parados.
Se esto non é un reparto sectario e partidista que Feijoó explique por que discrimina a maioria da poboación da nosa provincia.
Os fondos destinados pola Xunta de Galicia a estes programas no 2010 con respecto ó 2009 descenderon en 900.000 euros, e son medio centenar menos as persoas, e polo tanto as familias, que se van beneficiar deles dun xeito direto. Ante o feito de que so un 0,7% dos parados da provincia se benefician destes programas de incorporación ó mercado laboral, instamos a Xunta de Galicia a que diga a verdade e fale claro, e a que se poña a traballar en políticas serias e rigurosas que lle den prioridade a paliar as dificultades laborias polas que pasan moitas persoas e familias desempregadas desta provincia. E que o faga sen anteponer os intereses do seu partido, e que o faga pensando no interés xeral da poboación desempregada de toda a provincia.
Os Socialistas defendemos a aplicación das políticas de fomento e creación do emprego dun xeito igualitario e proporcional as necesidades da pobaoción, independentemente da cor política do partido que goberne en cada concello, como exemplo disto cabe destacar o programa “Lugo Emprega” da Deputación Provincial de Lugo, que incorporará a vida laboral a mais de 700 parados de toda a provincia, seguindo criterios de distribución poboacional, fronte os 175 parados que beneficiará a Xunta de Galicia con oito obradoiros, todos eles destinados a concellos gobernados polo PP, sin ter en conta criterios coherentes.

Programa de mellora das vías de comunicación de Antas de Ulla

Antas de Ulla conta co privilexio de ter recoñecido no seu territorio o centro xeográfico de Galicia. Ademáis en pouco tempo teremos moi preto de nós, a menos de 15 minutos da cabeza de municipio, dúas das principais vías de comunicación da Galicia interior, as autovías que unirán Lugo con Ourense e Santiago. No caso da última as obras están xa bastante avanzadas e podemos ver como pouco a pouco esta vía de especial interés para o noso concello toma forma, e podemos verificar sobre o terreo onde estará situada a rotonda de Filgueira (Palas Centro, pola carretera hacia Friol). Esta rotonda de enlace só dista do núcleo de Antas de Ulla 12 km, cun percorrido de 12 minutos, polo que representa o principal punto de unión coa A-54. Pero somos conscientes de que Antas conta con máis poboacións que tamén precisan achegarse o máximo posible a esta importante vía de comunicación sin meterlle un navallazo ó territorio de Antas de Ulla.

Para os socialistas as melloras das comunicación s do noso concello son unha costante dende tempos remotos, moito antes desta lexislatura os nosos compañeiros xa presentaron iniciativas neste sentido, a reivindicación das melloras das carreteras que comunican as aldeas, e tamén as vías provinciais que discorren por estas terras.

Consideramos, dende hai anos, que un dos principais eixos de comunicación do noso concello é a carretera da deputación que une Antas con Palas e con Chantada. Os socialistas sempre defendemos que este corredor de enlace entre dúas poboacións importantes con Antas como punto neurálxico era de principal importancia para o desenvolvemento deste concello. Hoxe en día representa un reto importante que antas de Ulla sexa un punto de unión importante entre as autovías que discorren polas poboacións antes citadas.

Queremos facer desta necesidade un compromiso con todos os veciñ@s de Antas de Ulla, e por eso preparamos un programa de mellora e desenvolvemento das principais vías de comunicación  e das pistas rurais de Antas de Ulla.

Poñémolo á vosa disposición para que libremente opinedes e entre tod@s colaboremos no desenvolvemento presente e futuro de Antas de Ulla.

PROGRAMA DE MELLORA E DESENVOLVEMENTO DAS COMUNICACIÓNS

View more presentations from piligporto.

QUEREMOS A RECEITA ELECTRÓNICA PURA EN ANTAS

No caso de Antas de Ulla o sistema de recetas médicas que se está implantando é un sistema de receta electrónica mixto. A receta electrónica en papel, que fai que os veciños teñan dez días de prazo dende a fecha de expedición da receta para recoller as suas medicinas. En cambio coa receta electrónica pura os veciños/as poderían recoller as medicinas nun prazo de 30 días (dez días antes e ata vinte días despois da expedición da receta)

          Hai moitos veciños que se ven necesitados dunha amplia gama de medicinas que deben administrar con regularidade e frecuencia, como é o caso de persoas con enfermidades crónicas e, sobre todo, o grupo da terceira idade, que conforma un altísimo porcentaxe da poboación do noso municipio.

          Para o caso das persoas que teñan que tomar varios fármacos á vez, unido a que as caixas dos medicamentos esgótanse en ritmos diferentes, isto provoca que os veciños/as teñan que visitar varias veces á semana a farmacia co actual sistema de transición, mentras que coa receta electrónica pura e dura sería suficiente con acudir unha ou duas veces ó mes, e incluso o médico podería prescribir tratamentos de máis prazo.

          Esta situación agrávase considerablemente no caso do Concello do Incio que conta cunha poboación moi envellecida e que vive alonxada do núcleo, polo que é preciso que se despracen á farmacia moitas veces, obrigados a dispoñer dun taxi para recoller as súas medicinas.

          Co actual sistema ademáis os veciños/as vense obrigados a revisar continuamente a caducidade da receita dos fármacos, para saber cando teñen que ir a recollelos, o que lles resulta compricado porque na maior parte dos casos viven sós. Non levar a cabo un control da caducidade implica que perdan o medicamento e teñan que facer unha nova receta.

          Por todo todo o dito levamos unha moción ó pleno coa seguinte proposta de acordo:

·        Que o Concello de Antas de Ulla inste ó Sergas a posta en marcha da receta electrónica pura á maior brevedade posible no municipio de Antas de Ulla. 

UNHA OPORTUNIDADE PARA SETE PARADOS DE ANTAS DE ULLA

O Pleno da Deputación de Lugo aprobou o pasado martes 28 de decembro, o novo plan “LUGO EMPREGA” co que o organismo provincial reducirá o número de parados na provincia ó mesmo tempo que incrementa a cooperación cos Concellos. A partir da súa aprobación os Concellos dispoñen dun prazo de sete días para formalizar a súa contestación, que é absolutamente improrrogable.

        Fai uns meses o Concello de Antas de Ulla acolleuse á Orde da Consellería de Traballo e Benestar para solicitar obradoiros de emprego. Dos concedidos na provincia de Lugo ó noso Concello correspondeulle un, pero como fixo saber a Alcaldía en sesión plenaria o concedido non foi o total do solicitado, de xeito que continúa existindo a necesidade real de satisfacer a totalidade do proxecto inicial. Agora é o momento de que dende o Concello se tome conciencia e se aproveite esta ocasión para dar traballo os parados do noso municipio, que según o último dato de paro rexistrado do mes de novembro incrementáronse case nun 12% e xa ascenden a 104 desempregado/as.

Con este plan posto en marcha polo organismo provincial ó noso Concello por número de habitantes (1001-3000) corresponderíanlle 7 traballadores que disfrutarían dun contrato de seis meses e que poderían prestar os seus servizos como operarios oficiais realizando labores de mantemento, conservación ou mellora de servizos públicos de carácter municipal.

        Tamén é importante destacar que estes traballadores terían un custo cero para as arcas municipais, xa que logo a Deputación de Lugo asume non só o financiamento íntegro dos traballadores senón que tamén realiza a selección dos traballadores, liberando ó Concello desta carga.

        Por todo o exposto anteriormente, propuxémoslle ó alcalde que

tomase en consideración a posibilidade de adherirse ó Plan “LUGO EMPREGA” da Deputación de Lugo, agardamos que así o faga en beneficio dos parados de Antas de Ulla.

O PSdeG-PSOE de Antas de Ulla asegura que o concello certificou a realización dunha obra sin realizala.

Pilar García Porto califica o caso como un  “auténtico escándalo” e pregunta onde están os cartos sen invertir.

Antas de Ulla,  decembro do 2010.

 Os socialistas de Antas de Ulla denuncian a que consideran unha “gravísima irregularidade” do goberno local, xa que segundo explicou a súa voceira municipal, Pilar García Porto, certificouse e cobrouse unha obra do P.O.S 2008 que está sin rematar. O proxecto contemplaba  dotar de servicio de alcantarillado e depuración ás  parroquias de Dorra e Senande, pretendíase realizar as obras en dúas fases pero constituíndo cada unha  delas obras independientes, a solución adoptada foi levar a rede de alcantarillado e depuración, na primeira fase, a Dorra, Chapeleira, Forno e parte de Os Carreiros, pero a realidade é que “a día de hoxe nada de todo esto se comenzou e tan só se levou unha rede de traída de auga que se atopa en completo desuso”.

“Trátase dunha obra orzamentada en 58.857,24€ que debería dar solución a unha necesidade básica dunha das zonas máis poboadas do concello e que máis está contribuíndo á fixación de poboación”. Os socialistas consideran un “auténtico escándalo” que pese a estar a obra certificada e cobrada ó 100% “aínda falta toda a parte de saneamento por realizar e a traída non está dando servicio  ós veciños que teñen as tuberías aparcadas ás portas das casas”.

 Unha vez realizada a certificación dende o concello  o Grupo Socialita solicitoulle á alcaldía o acceso  ó proxecto  así como as posibles modificacións deste, pero o alcalde “ocultou a información e denegounos ver a documentación solicitada, polo que entendemos non houbo modificacións” por este motivo o PSOE pregúntase “ onde están os cartos que faltan por investir, xa que se están certificando obras que non están feitas, e así pódense nomear máis exemplos como o saneamento de Gradoi, o de Lebesende, o da Carretera de Santa Mariña ou mesmo o Horto Ecolóxico agora cuberto por un novo proxecto, etc… “ nesta liña tamén manifestan “ o alcalde xoga a despistar ás administracións e pretende mofarse dos veciños  sen tratar con rigor e seriedade os proxectos que lles afectan e que son tan necesarios para mellorar a calidade de vida nas aldeas”.  

QUEREN QUE COMAMOS AS CONTAS SEN COCIÑAR E QUE NOS GUSTE

O pasado 26 de octubre do 2010 tivo lugar unha reunión da Comisión Especial de Contas do Concello de Antas de Ulla, non foi sen tempo!!!, despois de catorce anos sen que se producira este feito e tras moito insistir e sacarlle os colores ó alcalde nos Plenos conseguímolo, por fin poderíamos darlle solución a situación irregular que sofre o noso concello tal e como din os informes do Consello de Contas de Galicia.

Tras a celebración desta  reunión, abriuse a primeiros deste mes  o período de exposición pública das Contas  Xerais do Concello de Antas de Ulla correspondentes ás anualidades 2004, 2005, 2006 e 2007.

Durante dito período a documentación solicitada polos concelleiros e a voceira do PSdeG-PSOE non foi posta á nosa disposición nas repetidas ocasións en que foi solicitada e nos términos legalmente establecidos, alegando, según manifestacións do Secretario-Interventor, non estar dispoñible na súa totalidade.

Ante tales feitos procedemos a solicitar a información precisa por escrito, para que quedara manifesta a necesidade de acceder a toda a documentación solicitada para realizar as pertinentes labores de control e fiscalización por parte dos concelleiros da oposición, ós que os obriga a lei. 

Por outra banda,  o Concello de Antas de Ulla  conta cunha sociedade mercantil de capital íntegramente municipal, denominada “Empresa de Promoción Integral do Concello de Antas de Ulla, S. L.”, que ten a obriga de presentar as contas anuais e sometelas á Xunta Xeral da mesma , órgano formado polo Pleno do Concello de Antas de Ulla. As contas de dita empresa nunca foron presentadas ante o Pleno (dende a súa creación no ano 2001), e a documentación sobre as mesmas aportada para a súa revisión durante o período de exposición pública das contas xerais do Concello, non conta coa firma da totalidade dos administradores, e tampouco se aportan os correspondentes xustificantes de ingresos e gastos tal como prevé a lexislación vixente.

Así mesmo, o alcalde do Concello de Antas de Ulla, don Javier Varela Pérez, convocou a celebración dun Pleno Municipal de carácter extraordinario urxente, a celebrar o día 22 de novembro de 2010, para a aprobación das conta xerais do Concello de Antas de Ulla dos exercicios 2004, 2005, 2006 e 2007. A citada convocatoria foi realizada fora dos prazos mínimos establecidos pola lei, xa que o anuncio da exposición pública dos citados exercicios fíxose o día 29 de outubro do presente ano, polo que, entre esa data e a prevista para a celebración da citada sesión plenaria transcurriu un período de días inferior ós quince previstos para exposición pública máis os oito posteriores para a presentación de reclamacións, reparos ou observacións.

En  vista de que non se cumplen os prazos mínimos e que non se aporta a documentación solicitada, solicitamos por escrito:

-         Que se sometan a Xunta Xeral (Pleno do Concello de Antas de Ulla) as contas anuais da sociedade mercantil de capital municipal “Empresa de Promoción Integral do Concello de Antas de Ulla, S.L.” correspondentes ás anualidades 2001, 2002, 2003, 2004, 2005, 2006 e 2007, para a súa posterior inclusión na Conta Xeral Municipal.

-         Que se poña a disposición dos concelleiros e o público en xeral a documentación necesaria para o control e fiscalización das contas xerais municipais correspondentes ás anualidades 2004, 2005, 2006 e 2007 na totalidade da mesma.

-         Que se cumplan os prazos mínimos de exposición pública e posterior período para a presentación de reclamacións, reparos ou observacións.

     

   Supoñemos que reacción do alcalde será a de sempre: facer caso omiso das nosas propostas e non amosar o máis mínimo interés polos problemas reais, porque un concello coas contas transparentes e claras, sen dúbida favorécenos a tod@s.