O PSdeG de Antas celebra que a Deputación invista na traída de auga, “unha demanda histórica” no concello

O grupo socialista está “moi satisfeito” de que o ente provincial asuma a obra ao 50% despois de que o Goberno Central deixara sen dotación a gran parte do Plan de Obras e Servizos, agardan que este sexa “o primeiro paso” para dotar de auga potable a todo o concello e lémbranlle ao PP que “hai moito que facer”

O Grupo municipal socialista de Antas de Ulla mostrase “moi satisfeito” co investimento realizado pola Deputación de Lugo na traída do concello, cunha obra prevista de “substitución parcial da rede de abastecemento de auga” e que vén a arranxar en gran parte o que xa era “unha demanda histórica” do PSdeG no concello e “unha necesidade para os veciños e as veciñas de Antas”. Despois de que o Goberno Central deixara sen dotación económica a parte do Plan de Obras e Servizos (POS), cun recorte de 2,7 millóns de euros na provincia de Lugo, a Deputación Provincial decidiu continuar adiante co POS aportando a súa parte e dándolle a posibilidade aos concellos de aportar ao 50% para continuar realizando obras na provincia.

”Ao longo de cinco anos presentamos numerosas iniciativas e reclamacións ao alcalde, xa que a rede está completamente deteriorada”, afirma a voceira socialista no concello, e engade que “as averías e roturas de tuberías son numerosas, e no verán prodúcese desabastecemento de auga potable, ademais de que as tuberías son de fibrocemento e hoxe xa non están autorizadas para uso sanitario pola súa toxicidade”. Este proxecto comprende a substitución parcial da rede de abastecemento de auga potable no casco urbán, concretamente no Camiño de Vilasión, e comprende o traxecto desde los depósitos de acumulación ata o Camino de Vilasión e posteriormente a súa continuación ata o encontro coa  rede de distribución na Rúa Nova. A financiación do orzamento, que ascende a 26.313,72€, será asumida no 50% pola Deputación e no 50% restante polo concello.

En palabras dos concelleiros socialistas “trátase duhna actuación necesaria e urxente que garantizará un abastecemento que cumpra coas normas sanitarias vixentes, pero insuficiente para satisfacer as necesidades actuais do núcleo urbano de Antas de Ulla, xa que a traída está deteriorada en moitos máis puntos e tamén as tuberías son de fibrocemento noutros tramos”. Neste sentido, lémbranlle ao PP que “hai moito que facer, e habería que empezar por ter en condicións os tanques do Monte Farelo que permanecen abertos e sen control todo o ano permitindo o acceso de animais ou persoas ao seu interior, tal e como denunciamos en numerosas ocasións, e habería que solucionar os problemas de abastecemento”. Así, critican que o Goberno Central destinase arredor de 600.000€ para a construcción dun tanque que non existe, e engaden que “hai moitas aldeas que aínda non teñen traída e outras nas que non funciona, como foi o caso de Olveda” este pasado verán. ”Agardamos que este sexa o primeiro paso para dotar de auga potable á poboación de todo o Concello e sentímonos orgullosos de que dende a Deputación se contribúa a dar solución a este vello problema dos veciños de Antas”, conclúen.

OS PORTAVOCES SOCIALISTAS DOS CONCELLOS DE TABOADA, PORTOMARÍN, PALAS DE REI E ANTAS DE ULLA ANUNCIAN QUE REALIZARÁN UN EXAUSTIVO CONTROL E SEGUIMENTO DOS OBRADOIROS NOS SEUS CONCELLOS

Os últimos datos do paro resultan especialmente duros para o interior da provincia de Lugo, e mesmo chegan a triplicar a media galega.

 

O proceso selectivo que  terá lugar o vindeiro luns día 10 de decembro levanta sospeitas  por falla de imparcialidade segundo manifestaron algúns veciños destes catro concellos ós voceiros da oposición.

 

Os representantes do PSdeG-PSOE nestes concellos do interior lucense levarán a cabo iniciativas  nos seus concellos coa finalidade de exercer a labor de control necesaria e defender así os intereses dos seus veciños en igualdade de oportunidades.

 

Lugo, 7 de decembro do 2012. Os Concellos de Antas de Ulla, Palas de Rei, Taboada e Portomarín asociáronse para solicitar de xeito conxunto ante a Consellería de Traballo os obradoiros de emprego para a anualidade 2012. Esta nova resultou valorada positivamente polos 14 concelleiros socialistas destas poboacións pois segundo manifestaron nunha xuntanza celebrada esta semana para analizar a situación de desenvolvemento das políticas municipais levadas a cabo nos seus concellos “de cumplirse as expectativas de inserción laboral da Xunta o 70% dos alumnos debería atopar traballo unha vez rematados os obradoiros, e nós velaremos para que o esforzo dos alcaldes sexa máximo neste sentido”.

En declaracións feitas polos voceiros socialistas din estar seriamente preocupados polas críticas situacións que están vivindo as familias víctimas da dura situación de desemprego de parte dos seus membros que fai tambalear as economías domésticas. Así manifestan “se os índices do paro son máis que preocupantes en todo o país na nosa zona resultan alarmantes xa que chegamos a triplicar a  media galega con respecto ó mesmo mes do ano anterior, é decir fai un ano".

Segundo datos da Consellería de Traballo os catro concellos contaron no mes de novembro con 651 persoas en situación de desemprego (Antas de Ulla 134, Palas de Rei 240, Portomarín 86 e Taboada 191), e incrementaron en total o número de parados en 86 persoas máis que no mes de outubro.

Destacan tamén outros datos oficiais por comarcas ás que pertencen estes catro concellos, e que se relacionan no seguinte cadro:

 

	Nº DE PARADOS MES DE NOVEMBRO	% RESPECTO Ó ÚLTIMO MES	% RESPECTO Ó MESMO MES DO ANO ANTERIOR
GALICIA	276.536	3,26%	9,12%
PROV. LUGO	27.903	6,00%	11,52%
COMARCA DE LUGO	11.116	6,23%	10,43%
COMARCA DE CHANTADA	1.012	4,76%	11,70%
COMARCA DA ULLOA	639	9,23%	28,57%

 

Os voceiros socialistas despois de levar a cabo unha xuntanza de análise e balance de políticas municipais, e ante a dolorosa realidade que moitos desempregados e as súas familias están vivindo na Comarca Suroeste da provincia, quixeron poñer de manifesto a crítica situación destes concellos do interior lucense, e así aclaran “na provincia de Lugo  o índice do paro con respecto ó mes anterior é o doble que en Galicia, un 6% fronte ó 3,26 da Comunidade Autónoma”, e engaden “o caso máis sangrante é a Comarca da Ulloa, mentras que que en Galicia o paro subiu un 9,12% en comparación co mes de novembro do 2011 na nosa comarca esta cifra triplicouse e atopámonos nun 28,57%".

Ante a inminente proba selectiva para desempregados que se incorporarán ó obradoiro de emprego solicitado conjuntamente polos catro concellos, que se celebrará o vindeiro luns día 10, e as queixas de veciños manifestadas ós socialistas por non ter coñecemento do proceso selectivo ou mesmo porque algún deles manifestou que antes da publicación da orde xa sabía por fontes municipais que non ía ter opcións aínda cumplindo cos requisitos para entrar na selección.

Ante estas e outras presuntas irregularidades detectadas  e coa finalidade de velar pola igualdade de oportunidades para todas persoas en situación de ser incluídas nestes obradoiros os grupos municipais do PSdeG-PSOE levarán a cabo iniciativas ós distintos plenos e realizarán unha exhaustiva labor de seguimento e control dende o proceso de selección  ata a adxudicación dos obradoiros. En alusión a esto pronuncian “faremos todo o necesario para que participen nestes obradoiros os que teñan dereito, en igualdade de oportunidades,  non permitiremos a entrada a dedo, nin o uso partidista ou con carácter electoralista desta oportunidade laboral para moitas persoas”, “despois de ver o reparto partidista e sectario de obradoiros feito polo PP nos concellos desta provincia esixiremos un proceso e desenvolvemento límpios e transparentes a favor da imparcialidade entre veciños no que se beneficien aqueles que realmente o necesitan e teñen dereito, tal e como indica a orde da Consellería de Traballo”.

OS SOCIALISTAS DE PORTOMARÍN E ANTAS DE ULLA LAMENTAN QUE OS SEUS CONCELLOS PERDAN FONDOS ESTATAIS POR NON PRESENTAREN A LIQUIDACIÓN DAS CONTAS DO 2011

Estes dous concellos do suroeste da provincia de Lugo son os únicos do partido xudicial de Chantada que se atopan nesta situación. O concello de Antas  perderá cada mes 28 268 € e o de Portomarín 18 571 €, cantidades  moi importantes na economía destes pequenos municipios.

Lugo, 02 de novembro  de 2012. Ámbolos dous concellos recibiron esta semana unha comunicación do Ministerio de Facenda en que se informa que se practicará unha retención nas transferencias previstas do mes de outubro, porque en ámbolos casos incumpriron a norma que obriga os concellos a comunicárenlle ao dito Ministerio a liquidación dos seus presupostos.

No caso de Antas a situación non resulta novidosa, pois desde que Javier Varela herdou a alcaldía, o concello de Antas de Ulla vive sumido nunha penosa e caótica situación económica, debido ao desleixamento de funcións nesta materia por parte do alcalde e do seu equipo de goberno.

A finais do ano pasado presentáronse as contas do concello e da empresa municipal ÉPICA, sen cumprir os requisitos pertinentes e presentando numerosas irregularidades, como así o testemuñaba o informe negativo realizado pola secretaría-intervención. “Esta situación non mellorou e non se presentou o orzamento para o 2012 nin a liquidación de contas do 2011” manifesta a voceira socialista deste concello, que engade: “é imposible gobernar un concello sen ter as contas claras,  pérdense ingresos e non se sabe o que se gasta”.

Escurantismo e ocultación de información en ámbolos  casos

Os socialistas aclaran tamén que o afán por ocultar información é unha constante dos dous  alcaldes, que continuamente dificultan o labor e o traballo dos concelleiros na fiscalización e control dos equipos de goberno; “non se nos permite o acceso a diferente documentación municipal, como son a relación de usuarios de auga ou a recadación pola regularización de vivendas; este afán recadador do alcalde xoga en contra das economías familiares deste concello, que o único que fan é pagar impostos sen saberen a que os vai dedicar o equipo de goberno”, manifestan desde Antas de Ulla.

A partir do presente mes, o concello de Antas de Ulla deixa de ingresar na conta arredor de 30 000 € cada mes, una cantidade significativa para un concello de menos de 2500 habitantes, xa que o ano supoñen 360 000 €, sesenta millóns das antigas pesetas. Isto repercute directamente nas contas municipais, pois pode afectar ás nóminas, ao gasto corrente ou aos pagos por gastos ordinarios. Pilar cualifica os feitos de “desidia, abandono irresponsabilidade, desinterese e mesmo vagancia do alcalde e o seu equipo”, ademais aclara que “o PP de Javier Varela aumentou os gastos coas asignacións que cobran os seus concelleiros e as dos grupos políticos, naquel momento a proposta dos socialistas foi non cobrar por seren concelleiros, e eles aumentaron as asignacións”, así cualifican a actuación de “lamentablemente dilapidadora e interesada no seu propio beneficio”.

No caso de Portomarín, a voceira municipal Silvia Rodríguez Díaz non entende o que pasa coas contas do concello desde que accedeu a Alcaldía Juan Serrano, posto que nos anos anteriores nunca existiron este tipo de problemas e sempre se presentaron en prazo as liquidacións, cuxa aprobación depende exclusivamente da alcaldía. Silvia Rodríguez pregúntase “se se está a seguir a mesma política de ocultismo e falta de transparencia ca cos grupos da oposición, xa que o Concello de Portomarín non está informando das súas contas ao Ministerio de Facenda e Administracións Públicas”. Silvia Rodríguez lamenta esta situación, posto que máis de 18 000 € ao mes son uns ingresos fundamentais para o Concello de Portomarín, e isto pode chegar a provocar graves problemas de liquidez e afectar a pagos por gastos ordinarios ou ás nóminas. Ante esta situación “chegamos a entender por qué o alcalde di sempre que non hai cartos no concello, porque nestes últimos meses estamos asistindo a unha perda sistemática de ingresos, como no caso da recadación do Albergue Municipal ou da Piscina Municipal, e a retención dos fondos que ingresa mensualmente o Ministerio de Facenda xa é a gota que colmou o vaso, totalmente inadmisible para un concello que depende en boa medida destes ingresos para o seu funcionamento diario”, afirma Silvia Rodríguez.

Por estes motivos, en ámbolos casos, e tendo en conta que nos dous concellos non se celebrará pleno ordinario ata o vindeiro mes de decembro, os grupos municipais socialistas presentarán senllas propostas á alcaldía para que se teña en conta a situación e e para que desde os equipos de goberno se poñan a traballar coa finalidade de daren conta das liquidacións do 2011, de xeito que se poña solución canto antes a este problema económico que só afecta a estes dous concellos do suroeste lugués.

OS SOCIALISTAS DE ANTAS LAMENTAN A POSIBLE IMPLICACIÓN DO ALCALDE NO COBRO DE COMISIÓNS ILEGAIS A UNHA EMPRESA ADXUDICATARIA DE VARIAS OBRAS DO CONCELLO

Os socialistas anuncian que esixirán ante o concello o acceso a toda a documentación das obras adxudicadas a EXCAMEL, S.L.  para levaren a cabo un rigoroso control e análise das mesmas

Antas de Ulla, 07 de outubro de 2012. O diario El País publicou con data do 7 de outubro de 2012 unha nova en que se relata a posible implicación do alcalde de Antas no cobro de comisións ilegais á empresa Excamel, adxudicataria de varias obras  en Antas de Ulla, entre as que se atopan as últimas do Plan E correspondentes á anualidade 2010, e que, tal e como figura na web do Ministerio de Política Territorial, están aprobadas para o concello de Antas de Ulla.Trátase de dous proxectos cos seguintes orzamentos:

186 586,97 €   Dotación de infraestructuras, mejoras y conservación del área de especial interés de Augas

83 573,02 €     Puesta en valor y mejoras de los edificios de propiedad municipal sitos en As Canteiras

Xa no seu momento o Grupo Municipal Socialista de Antas advertira que “para levar a cabo a contratación dos case 400 000 € do Plan E do 2009 e dos preto de 300 000 € do 2010, o alcalde non quixo contar con empresas do noso concello. O procedemento legal indica que o alcalde tiña a obriga de convidar como mínimo a tres empresas para que concorreran á licitación, pero, curiosamente, ningunha delas  foi do noso concello”.

A empresa que executou as obras do 2009 foi  LUIS TABOADA S.L., de Vila de Cruces. En canto ás obras para realizar durante o ano 2010, a empresa adxudicataria foi EXCAMEL S.L. de Melide,  a continuación detallaremos as ofertas realizadas polas distintas empresas que concorreron o sorteo público en Antas de Ulla o día 21 de maio de 2010:

Puesta en valor y mejoras de los edificios de propiedad municipal sitos en As Canteiras (83 573,02 €)

            Excamel S.L.                               82 999 €  (Adxudicataria)

            Vázquez y Mesías S. L.           83 573,02 €

            Rafer S.L.                                      83 573,02 €

Dotación de infraestructuras, mejoras y conservación del área de especial interés de Augas (186 586,97 €)

            Excamel S.L.                               185 948 €  (Adxudicataria)

            Vázquez y Mesías S. L.           186 897 €

            Rafer S.L.                                      186 586 €

Declaran os concelleiros a través da súa voceira “xa no seu momento chamounos poderosamente a atención o feito de comprobarmos a coincidencia, ata nos céntimos!, da oferta realizada polas empresas non adxudicatarias da primeira obra, como tamén resultaba sorprendente que a única que presentou o correspondente certificado de solvencia bancaria para ambas as dúas obras fose  EXCAMEL S.L.”.

Noutra orde de cousas, os socialistas quixeron sinalar que o alcalde e o seu grupo de goberno seguen ocultando información sobre varios proxectos desenvolvidos no concello de Antas de Ulla e que, cando menos, resultan sospeitosos de presentaren irregularidades. Este é o caso do Horto Ecolóxico de Frádegas, en que se superpoñen claramente varios proxectos con distintas denominacións para o lugar de localización e de realización das obras, así como co cobro de subvencións procedentes de distintas administracións, e que claramente non cumpriron os prazos estipulados de desenvolvemento nin os fins orixinarios para os que foron concibidos. En concreto aclaran: “tal e como advertimos no seu momento o proxecto do Plan E denominado  Dotación de infraestructuras, mejoras y conservación del área de especial interés de Augas (186 586,97 €), antes foi o Centro Sostible de Ecoloxía Aplicada, tamén coñecido como Horto Ecolóxico, en que se certificaron  400 000 € con cargo ao programa europeo INTERREG III A, proxecto RURALIS SP1.P166/03”.

A estes puntos facía referencia o informe de denuncia das contas do concello do secretario-interventor municipal, Francisco Torrente Hortas, en que expoñía “presuntos ilícitos penais como os de malversación de fondos públicos, falsidades documentais, dilación indebida e obstrución dos labores de investigación do Tribunal de Contas e do Valedor do Pobo, prevaricación, contratación ilegal de persoal municipal, impedimento dos dereitos que a Constitución e a Lei recoñecen aos membros electivos da Corporación e outros”.

Perante esta situación, os concelleiros socialistas manifestan que esixirán por escrito a documentación relativa a todas as obras executadas por Excamel S.L. en Antas de Ulla, coa finalidade de analizar en detalle e comprobar que non se producisen irregularidades na adxudicación e na realización das obras.

PEDIMOS Ó ALCALDE E ÓS DOUS CONCELLEIROS LIBERADOS QUE RENUNCIEN Á PAGA EXTRA DE NADAL PARA CREAR UN FONDO DE BECAS PARA OS ESCOLARES MÁIS NECESITADOS DO NOSO CONCELLO.

España cambiou radicalmente o 11 de xullo logo de que o Presidente do Goberno anunciase novas medidas que atentan contra os servizos básicos dos cidadáns  certificando así o xiro do seu proxecto político, que vai dende a suba do IVE, ata recortes nas prestacións por desemprego, na Lei de Dependencia, na Educación pública e na Sanidade.

O Executivo Central agarda conseguir co seu plan 56.440 millóns, dos que case o 40% proceden do incremento do Imposto de Valor Agregado que entrou en vigor o 1 de setembro. 

Entre as medidas que formulou o Partido Popular, está a supresión da paga extraordinaria aos funcionarios.  A tal efecto, os traballadores da función pública municipal, verán reducido o seu poder adquisitivo pola supresión dunha das pagas coa que se completaba o seu salario anual.

Este recorte afecta aos empregados (funcionarios e laborais) do Sector Público e non inclúe os Alcaldes e Concelleiros liberados. O Grupo Municipal Socialista, por coherencia e solidariedade cos traballadores municipais, considera que os cargos políticos deben renunciar a  súa extra de Nadal. Máxime cando as persoas persoas elexidas como cargos públicos desempeñaban o seu traballo no Sector Público, caso este tanto do alcalde de Antas de Ulla Javier Varela Pérez, como da concelleira liberada Doris Sobrado Salgado.

En Antas de Ulla  contamos  con pouco máis de 2000 habitantes, para os que o equipo de goberno puxo a súa disposición a tres persoas como cargos políticos con dedicación exclusiva. Entre os tres repercuten un gasto total de 113.409€, dos cales desglosando o total aprecianse as seguintes singularidades:

Javier Varela Pérez: 2.568,67€/mes brutos + paga extra de xuño completa + paga de nadal 1.712.45€ brutos. TOTAL: 35.105,16€ brutos/ ano + 12.279,72€ por cotizacións a Seguridade Social.

Robustiano Taboada Frías: 1.2072,05€ brutos/mes + paga extra de xuño completa + paga de nadal 848,03€. TOTAL: 17.384,68€ brutos/ano + 5.979,96€ por cotizacións a Seguridade Social.

Doris Sobrado Salgado: 1.850€ brutos/mes + paga extra de xuño completa + paga de nadal 1.233,33€. TOTAL: 25.283,33€ brutos/ano + 7.893,36€ por cotizacións a Seguridade Social.

Destes datos extráese que o total das pagas de nadal dos tres cargos públicos suma o total de 3.793,81€.

Ademais de todo o anterior, neste mes de setembro deu comenzo o curso escolar 2012-2013, que esta vez resulta mais caro que outras para as familias, debido estre outras cuestións ó incremento do IVA que entrou en vigor o pasado día 1 do presente mes.

A maiores hai que dicir que as familias soportan o peso das medidas do Goberno Central e Autonómico e ven dificultada a súa situación particular polo alto índice de desemprego que afecta con especial incidencia ás mulleres e o medio rural por atoparse nunha clara deficiencia en canto ó número de oportunidades laborais.

Tamén hai que resaltar que a economía do noso concello, e polo tanto a das familias de Antas de Ulla,  susténtase básicamente no agro (agricultura e gandeiría) e nos pensionistas, dous colectivos que nos últimos tempos viron ir a menos as súas posibilidades económicas, dada crise e a toma de decisións ligada a esta que se levaron a cabo polo Goberno.

Por iso, o Grupo do PSdeG-PSOE no concello de Antas de Ulla presenta ó Pleno os seguintes acordos.
Que tanto o Alcalde, JAvier Varela Pérez, como os Concelleiros liberados Robustiano Taboada Frías e Doris Sobrado Salgado renuncien á paga extra de nadal.
Que a suma de 3.793,81 euros correspondente a ditas pagas extras se adique a unha bolsa de becas escolares para as familias que teñan maiores dificultades dentro do Concello de Antas de Ulla, para o cal se establecerá un criterio de asignación en función coa declaración do IRPF dos seus pais ou titores e o nivel de estudos cursados.

DENDE O PSOE DE ANTAS RECLAMAMOS ACTUACIÓNS INMEDIATAS NAS TRAÍDAS DE AUGA MUNICIPAIS.

Os concelleiros do PSdeG-PSOE denunciamos o mal estado dos tanques de auga no Monte Farelo.

O grupo socialista reclama melloras urxentes na traída de auga de Olveda.

Antas de Ulla, 19 de agosto de 2012. Durante a fin de semana os concelleiros socialistas de Antas visitamos distintas instalacións destinadas ó abastecemento de auga potable á poboación deste concello. Nesta ocasión, ó igual que aconteceu o ano pasado atopámonos cun tanque no Monte Farelo, próximo os petroglifos que alí se atopan nunha situación totalmente precaria e se cabe irregular, e así o relatamos “ a porta de entrada estaba aberta, calquera pode acceder ó interior do tanque, tanto persoas como animais”,  “ ademais toda a instalación se atopa nunha lamentable situación de abandono, os materiais están moi deteriorados e oxidados e o clorador que alí hai está desinstalado”, hai que decir que “ isto é un perigo para todos porque se  pode producir un accidente no interior das instalacións xa que calquera pode entrar libremente e sufrir un accidente no interior, calquera pode acceder a auga de consumo para o público, poden caer animais no interior”, cabe sinalar que nos parece unha locura arriesgar así a seguridade e saúde dos veciños de Antas”,  “ ademais todo indica que se trasvasa auga do tanque de incendios da Xunta de Galicia para o consumo porque hai unha tubería que os comunica e días atrás no lugar estaba traballando unha bomba, igual que o ano pasado para enviar auga dun tanque a outro sen ningún tipo de control hixiénico ou sanitario”.

Por este motivo solicitaremos no concello as análises de auga obrigatorias e os controis periódicos pertinentes que o concello ten a obriga de realizar ó non ter concedido a ningunha empresa externa a xestión deste servizo.

Unha fin de semana sen auga

De todos é sabido o mal funcionamento das traídas públicas do concello de Antas, dende o casco urbán ata as aldeas teñen problemas co suministro de auga. Numerosas situacións así o revelan, din  os concelleiros socialistas que ” por exemplo en Santa Mariña a pesar de existir traída pública a inmensa maioría dos veciños utiliza a que é privada e de propiedade veciñal, no núcleo de Antas moitas foron as ocasións nas que o abastecemento de auga foi insuficiente durante a época estival. Esto mesmo é o que acontece ano tras ano en Olveda cando chega o verán, a veciñanza queda sen o servizo de auga da traída precisamente cando máis falla fai, cando mais poboación hai na parroquia, case chega a duplicarse o número de veciños, cando hai máis necesidade de ducharse polo traballo no agro e as altas temperaturas etc...”, “ ademáis na zona deOlveda hai importantes explotacións de gando e tamén industrias transformadoras do leite, como son as queixerías que ademais de darlle de beber ó gando teñen que utilizar auga no proceso produtivo”, puntualizan “ esta fin de semana nesta parroquia quedaron sen auga coas dificultades que isto  acarrea  para todos os veciños, esto no é unha novedade pasa tódolos anos, e por parte do concello non se da ningunha solución ó mal estado da zona de captación de auga nin ós desperfectos das conduccións, nin sequera temos constancia de que o alcalde ou algunha outra persoa do equipo de goberno se presentara alí onda ós veciños para interesarse pola situación”.

"Parécenos unha tomadura de pelo que dende o concello se cobren os recibos da auga atrasados por unha mala xesión municipal dende o ano 2008, e que non se de un servizo mínimo. E decimos tomadura de pelo porque hai veciños que pagaron cantidades moi elevadas nalgúns casos arredor de 600 euros, sen que dende o concello se realicen as lecturas periódicas e os cobros no plazo correspondente para que así a veciñanza poda levar un maior control do seu consumo e presentar reclamacións en caso de erro”.

LAMENTAMOS QUE O ALCALDE MENTIRA CO ANUNCIO DUN PLAN DE MANTEMENTO DAS CARRETERAS MUNICIPAIS.

Creemos que foi un farol do edil popular e desconfiamos  que o concello non teña os cartos anunciados para realizar as inversións necesarias para recuperar as carreteras municipais.

Antas de Ulla 17 de agosto de 2012. As vías de titularidade municipal do Concello de Antas de Ulla levan máis dunha década sen que nelas se realicen as imprescindibles labores de mantemento e conservación. Motivo este polo que se ven seriamente deterioradas e representan un perigo constante de sofrir  accidentes  ó circular por elas, máximo nesta tempada estival na que acoden a á vila e ás aldeas numerosos visitantes  que descoñecen os puntos máis conflitivos para a circulación.

Os socilaistas queremos aclarar que “o Concello de Antas de Ulla conta con 28 parroquias formadas en moitos casos por máis dun núcleo de poboación. Estes lugares están comunicados entre sí por estradas de titularidade municipal e de titularidade provincial, e mesmo algunhas pola estrada nacional N-640, sendo a máis extensa das tres a rede municipal”, e engaden “os veciños dos núcleos rurais vense obrigados, na maioría dos casos, a utilizar as estradas do concello para circular cos seus vehículos, tanto a hora de realizar os habituais traballos agrícolas e gandeiros como os forestais ou mesmo para acceder os servizos que se ofrecen na vila de Antas de Ulla”.

Os concelleiros do grupo socialistas explicamos que “a circulación polas vías de titularidade municipal vese seriamente prexudicada polo lamentable estado de abandono e deterioro que sofren as mesmas. Por todos é sabido que estas vías levan máis dunha década sen que nelas se leve a cabo un plan de conservación axeitado tal e como recoñecía o alcalde publicamente nos medios de comunicación hai aproximadamente 2 meses. Xa non se atopan simplemente “baches” orixinados recentemente senón que a situación vai máis aló, en moitos puntos a situación resulta tan delicada que o trazado da vía desapareceu por completo, noutros lugares o deterioro é tan evidente que os vehículos teñen que desprazarse do trazado normal, mesmo chegando a invadir o carril contrario, co conseguinte perigo de sufrir un accidente, saírse da vía ou provocar desperfectos no vehículo. Esto non é unha novedade por eso dende o PSdeG-PSOE solicitamos xa en varias ocasións que se elaborase un plan de actuación para resolver esta lamentable e perigosa situación para os veciños e para os usuarios en xeral destas estradas”.

Ademáis lamentamos que “na primavera do ano 2011, e coincidindo coa precampaña e campaña electoral municipal, o concello acelerou as actuacións pero dada a celeridade e falta de orde e seriedade con que se realizaron os traballos, os resultados foron practicamente nulos, a pesar do esforzo levado a cabo polos traballadores. O feito de facer remendos cun único e claro fin electoralista, sen empregar os materiais axeitados, en cada caso, xa que por exemplo moitas veces só se vertían unas paladas de grava ou zahorra soltas sen produto bituminoso que as emulsionara, trouxo como resultado que a día de hoxe o firme se atope en igual ou peor situación que hai un ano”.

Despois de que o alcalde de Antas de Ulla anunciara na prensa a súa vontade de destinar 200.000 euros ó que se detallaba como un plan de conservación destas estradas, das que o concello é o único responsable no que se refire a mantemento e conservación, anuncio no que se detallaban incluso as vías nas que se ían realizar as actuacións, mesmo se dicía que se comenzaría pola carretera que da acceso ó núcleo de Barreiro”.

Dende dito anuncio xa  transcorreron dous meses sen que se comenzara a realizarse ningún tipo de traballo, e valoran ademais que os traballos a executar precisan dun período de tempo extenso, dada a situación de deterioro dos pavimentos e a extensión das zonas afectadas. E engaden que é preciso  ter en conta tamén que xa atravesamos o ecuador do mes de agosto e estas labores se dificultan coa chegada do frío e a chuvia.

Ante esta falta de compromiso e seriedade por parte do alcalde os socialistas mesmo opinan que “probablemente o concello non conte cos cartos para facer a inversión anunciada por valor de 200.000 euros, xa que de contar con estes fondos e despois de recoñecer por parte da alcaldía a grave situación na que se atopan as vías municipais non ten sentido permanecer sen realizar as actuacións”.

Ante esta situación e as permanentes queixas dos veciños que xa lle fixeron chegar ó alcalde por escrito en máis dunha ocasión, dende  o Partido Socialista de Antas de Ulla prantexamos ó Pleno Municipal unha moción co seguinte acordo:

-       A realización das obras comprometidas publicamente polo Alcalde por importe de 200.000 euros para a reparación das vías rurais de titularidade municipal polas que é practicamente imposible transitar.