PONTE DO ESTANCO

A estrada provincial que une Antas de Ulla con Santa Mariña leva tempo en obras, en concreto máis dun ano, xa que se melloraron tres km desta vía, que van ata Randulfe. Nestas melloras o que fixo a Deputación Provincial foi gañar un metro de ancho sin expropiar, únicamente collendo terreos que ata ese momento eran cuneta, e cubrir con triple riego asfáltico no ano 2007 á vez que se delimitaban as marxes laterais con marcación horizontal; ademáis doutras melloras levadas a cabo de Randulfe a Santa Mariña ó seu paso por Gradoi.
É polo tanto unha estrada da competencia da Deputación Provincial de Lugo, que leva en obras máis dun ano e medio, feito do que é coñecedor o Concello e todos os veciños de Antas de Ulla.
É sorprendente que o Alcalde de Antas de Ulla fale de falla de respeto institucional cando él foi o primeiro en amosar unha falla de respeto pola institución titular da vía e os usarios da mesma, ó acometer obras de saneamento nesta estrada, sen as autorizacións pertinentes, rompendo e destrozando o firme da vía e deixando un carril prácticamente inutilizable en varios metros, co conseguinte risco para o tráfico, xusto no lugar en que unha tapa de alcantarilla deixa saír vertido con frecuencia á vía pública. Motivo éste polo cal a Deputación Provincial de Lugo ten aberto un expediente sancionador que xa lle comunicou ó Concello.



O Grupo Municipal Socialista asegura que o único que falla ó respeto de todos os veciños é él que está máis preocupado en desacreditar e entorpecer as obras da Diputación, para intentar que non se realicen, que decumplir cos veciños cando desde a alcaldía se realizan obras que tardan anos en rematarse ou simplemente non se rematan, das que non se rinden contas ante os veciños, xa que non se lles cal é o prazo de execución nin canto se vai a invertir; facendo así unha política pouco transparente e enganosa para todos.
Por outra banda é curioso que se preocupe tanto da sinalización cando él mesmo toma as fotografías con intención de engañar porque de todos é sabido que existen ospaneis suficientes advertindo da obra sen que ninguén chegue á mesma desprevenido. Decimos que é curioso porque nas obras do Concello a sinalización é escasa ou nula para ocultar obras de escasa calidade que na maioria dos casos entorpecen durante períodos de tempo excesivamente prolongados a vida cotiá dos veciños.
Ante esta reacción do alcalde o Grupo Municipal socialista manifesta que “ sempre velaremos para defender os intereses dos veciños de Antas de Ulla por enriba de calquera outro e procuraremos que se leven obras da máxima calidade posible para contribuir ó desenvolvemento do noso conc ello e ó benestar de todos os veciños e veciñas de Antas de Ulla”.